2022-09-08 16:37
Информагентства
4․676․836 դրամ՝ Հերոսների վերականգնողական քաղաքին
IDBank-ի և Իդրամի համատեղ «Մի դրամի ուժը» նախաձեռնության շրջանակում օգոստոս ամսվա ընթացքում հավաքված ողջ գումարը՝ 4․676․836 դրամ, փոխանցվեց «Հերոսների վերականգնողական քաղաք» հոգեբանական կենտրոնին։ Ծրագրի ավարտին ընկերությունները հայտարարեցին նաև հաջորդ շահառուի անունը։ Սեպտեմբեր ամսվա ընթացքում կուտակվող ամբողջ գումարն ուղղվելու է «4090» հիմնադրամին։
«4090» հիմնադրամը ստեղծվել է Արցախյան 44-օրյա պատերազմից հետո։ Հիմնադրամի նպատակն է տրամադրել կրթության հնարավորություն Ապրիլյան և 44-օրյա պատերազմների մասնակից այն հերոսներին, ովքեր, չնայած տարբեր խոչընդոտներին, գնում են իրենց երազանքի հետևից՝ դառնալով մեր հայրենիքի ապագայի կերտողները։
«4090» հիմնադրամի տնօրեն Իրինա Փահլևանյանի խոսքով՝ «Մի դրամի ուժը» նախաձեռնությունը շատ կարևոր է հիմնադրամի համար հատկապես նոր ուսումնական տարվա սկզբին, քանի որ նախորդ տարվա համեմատ այս տարվա շահառուների թիվը գրեթե կրկնապատկվել է, ու յուրաքանչյուր դրամ էական նշանակություն ունի։ Բացի այդ, մինչ օրս հիմնադրամի հիմնական բարերարները եղել են անհատները, իսկ այս նախաձեռնությունը համագործակցության լավ սինթեզ է, քանի որ կորպորատիվ գործընկերության հետևում կանգնած են հազարավոր մեր հայրենակիցները։
Հիմնադրամի նպատակը Հայրենիքի պաշտպաններին կրթավճարների տրամադրման, կրթական ծրագրերի իրականացման, հմտությունների բարձրացման և վերապատրաստումների իրականացումն է։
IDBank-ի հաղորդակցման բաժնի ղեկավար Տաթևիկ Վարդևանյանի խոսքով՝ այսօր առավել, քան երբևէ կարևոր է հատկապես կրթության մեջ ներդրում անելը։
«4090 հիմնադրամի գործունեությունն այս առումով անչափ գնահատելի է, որովհետև այն կրթավճարներ է տրամադրում պատերազմով անցած մարդկանց, որոնց համար կրթությունը հայրենիքում ապրել շարունակելու գրավականն է այս պահին։ Ինչպես գիտեք, կրթությունը «Մի դրամի ուժը» նախաձեռնության առանցքային ուղղություններից է, բայց 4090-ին աջակցելը կրկնակի պարտավորեցնող ու հաճելի է, քանի որ հնարավորություն ունենք շնորհակալություն հայտնել հայրենիքի պաշտպաններին` չնայած բոլոր դժվարություններին իրենց ապագան մեր երկրի հետ կապելու համար։ Կարևոր է, որ պատերազմի միջով անցած մեր հայրենակիցները կարողանան ստանալ պատշաճ կրթություն և այդ ճանապարհին խոչընդոտների չհանդիպեն», - ասել է Տաթևիկ Վարդևանյանը։
IDBank-ն ու Իդրամը մեկ դրամ են փոխանցում «Մի դրամի ուժը» նախաձեռնությանը ամեն անգամ, երբ դուք վճարում եք կատարում ընկերությունների հարթակներով։ Idram&IDBank հավելվածով հնարավոր է վճարումներ կատարել շուրջ 12000 կետում, 900 առցանց խանութներում, ինչպես նաև համակարգում առկա 400+ ծառայությունների դիմաց։
«Մի դրամի ուժն» արդեն հատել է 95 մլն-ի սահմանը։
Ընկերությունները վերահսկվում են ՀՀ ԿԲ կողմից
ПОСЛЕДНИЕ ОТ АВТОРА
-
New2025-07-25 12:15В связи с так называемой национализацией Электросетей Армении (ЭСА) и решением Арбитражного института Торговой палаты Стокгольма, позиция правительства Армении, озвученная 23 июля, демонстрирует, что международные договоры, подписанные Арменией для защиты иностранных инвесторов, не будут исполняться, если они не устраивают главу правительства лично или политически, считает бывший омбудсмен Армении Арман Татоян.
-
New2025-07-25 12:12Министерство культуры Арцаха сообщает, что по инициативе общественной организации «Агентство культуры и развития туризма Арцаха» и при финансовой поддержке посольства Королевства Нидерландов в Армении были воссозданы в цифровом виде коллекции следующих музеев:
-
New2025-07-25 12:10Депутат фракции «Честь имею» Тигран Абрамян пишет:
-
New2025-07-25 12:09Одной из основных целей визита Никола Пашиняна в Россию стала проверка реакции Москвы как вокруг «Зангезурского коридора», так и внутриармянских процессов. Об этом пишет газета «Иравунк», ссылаясь на провластные источники.