2022-09-12 15:24
Информагентства
Պեսկով․ ԶԱԷԿ-ից զորքերի դուրսբերման մասին խոսք չկա
Զապորոժիեի ԱԷԿ-ից զորքերը հեռացնելու մասին խոսք չկա, կարևորը՝ ստիպել Ուկրաինային դադարեցնել կայանի գնդակոծությունները: Այդ մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը՝ պատասխանելով այն հարցին, թե պատրաստ է արդյոք Ռուսաստանը ՄԱԳԱՏԷ-ի խնդրանքով զորքերը հետ քաշել Զապորոժիեի ԱԷԿ-ից: Նրա խոսքը մեջբերում է ՌԻԱ Նովոստին։
«Հիմա զորքերի հետքաշման մասին խոսք չկա։ Հիմա խոսքը գլխավորի մասին է։ Այն է՝ ուկրաինական կողմին ստիպել դադարեցնել կայանի տարածքի բարբարոսական գնդակոծությունները, ինչը շատ տխուր և աղետալի հետևանքներով է հղի։ Մենք առաջվա պես բոլոր երկրներին կոչ ենք անում օգտագործել իրենց ազդեցությունը, այն երկրներին, որոնք ունեն այդ ազդեցությունը ուկրաինական կողմի վրա՝ դադարեցնել այդ գնդակոծությունները, որոնք շարունակվում են ամեն օր»,-ասել է Պեսկովը։
Բացի այդ, ՌԴ նախագահի մամուլի քարտուղարն ընդգծել է, որ հատուկ ռազմական գործողությունը շարունակվում է և կշարունակվի մինչև առաջադրված բոլոր նպատակներին հասնելը:
Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում վեց էներգաբլոկ է տեղադրված։ Մարտ ամսից ի վեր Զապորոժիեի ԱԷԿ-ը գտնվում է ռուս զինվորականների պահպանության ներքո։ ՌԴ ԱԳՆ-ում ընդգծել են ռուս զինվորականների կողմից էլեկտրակայանը պահպանության տակ վերցնելու կարևորությունը միջուկային և ռադիոակտիվ նյութերի արտահոսքը կանխելու տեսանկյունից:
Sputnik Արմենիա
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.