2022-09-12 16:31
Информагентства
«Բլիցկրիգի մարտավարությունը չաշխատեց»․ Պուտինը խոսել է պատժամիջոցների և ՌԴ խնդիրների մասին
Ռուսաստանը հաղթահարում է Արևմուտքի ճնշումը. բլիցկրիգի մարտավարությունը չաշխատեց։ Նման կարծիք է հայտնել ՌԴ նախագահ Վլադիմիր Պուտինը տնտեսական հարցերով խորհրդակցության ժամանակ։
«Տնտեսական բլիցկրիգի մարտավարությունը, որի վրա նրանք (Արևմուտքի երկրները,-խմբ.) հույս էին դրել, չաշխատեց, դա արդեն ակնհայտ է բոլորի, այդ թվում՝ իրենց համար։ Մեր կողմից օպերատիվ իրականացվել են գործուն պաշտպանական միջոցներ, գործարկվել են առանցքային ճյուղերի, համակարգաստեղծ ձեռնարկությունների, ինչպես նաև փոքր ու միջին բիզնեսի աջակցման մեխանիզմներ»,-ասել է Ռուսաստանի նախագահը։
Նրա խոսքով՝ մշակված մեխանիզմներն ուղղված են զբաղվածության և աշխատատեղերի պահպանմանը, քաղաքացիներին` նախևառաջ երեխաներ ունեցող ընտանիքներին ու թոշակառուներին հասցեական օգնություն ցուցաբերելուն:
Վլադիմիր Պուտինն ընդգծել է, որ ռուսական բյուջեի վիճակն ավելի լավ է, քան քսանյակի ու ԲՐԻԿՍ-ի շատ երկրներում:
«Մասշտաբային հակաճգնաժամային միջոցառումների օպերատիվ ընդունումը, ձեռք բերված կայունությունը, արտաքին մարտահրավերների առջև ռուսական տնտեսության ամրությունը հիմնականում նախորդ տարիներին մեր պատասխանատու մակրոտնտեսական քաղաքականության արդյունքն է, ուստի և ռուսական բյուջեի վիճակն այժմ նույնպես զգալիորեն ավելի լավ է, քան «մեծ քսանյակի» երկրների տնտեսություններում ու ԲՐԻԿՍ-ի երկրներում մեր բարեկամների մոտ», - ասել է Պուտինը:
Պուտինը նշել է նաև, որ Ռուսաստանի թշնամիներիգործողություններն անկանխատեսելի են, իմպուլսիվ և ոչ պրոֆեսիոնալ: Նրա խոսքով՝ Ռուսաստանը պետք է աշխատի «իր տրամաբանության մեջ, պահի նախաձեռնությունը» և հետևողականորեն լուծի տնտեսության ու սոցիալական ոլորտի զարգացման իր խնդիրները:
Sputnik Արմենիա
ПОСЛЕДНИЕ ОТ АВТОРА
-
2025-07-30 20:50Две эти новости следует читать вместе, друг за другом (заголовки: "«Гражданский договор»: Российская агентура хочет предоставить России коридор по территории Армении", "Президент РА рассказал жителям Сюника о важности открытия дороги, соединяющей Азербайджан и Нахиджеван").
-
2025-07-30 19:39Международный Комитет Красного Креста все еще не располагает информацией о том, как решился вопрос с транспортировкой тела Веры Агасян, скончавшейся в оккупированном Азербайджаном Арцахе.
-
2025-07-30 19:37Временный государственный управляющий компании "Электросети Армении" Романос Петросян провел встречу с председателем Комиссии по регулированию общественных услуг Армении Месропом Месропяном. Об этом сообщает официальная страница КРОУ в соцсети.
-
2025-07-30 19:32Анаит Аванесян передала Министерство здравоохранения в «концессионное управление» Арсену Торосяну. Об этом в соцсетях написала глава общественной организации «Право на здоровье» Ануш Погосян.