Последние новости

Ադրբեջանցիները շուրջ 25 րոպե անդադար կրակել են. Փորձել են վախեցնել բնակիչներին. Պատմում են տեղաբնակները

Սեպտեմբերի 11-ի գիշերը՝ ժամը 4-ի հատվածում ադրբեջանական ստորաբաժանումները կրակ են բացել Արցախի Մարտունու շրջանի Կարմիր Շուկա և Թաղավարդ գյուղերի ուղղությամբ։

«Գիշերը՝ ժամը 4։03-ից մինչև 4։28 րոպեն անդադար կրակել են։ Վնասների մասին առայժմ ոչինչ չեմ կարող ասել»,- «Փաստինֆո»-ին այդ մասին ասաց Թաղավարդի բնակիչ Սևակ Խաչատրյանը։

Գիշերվա այդ ժամին գյուղերի ուղղությամբ կրակոցներ արձակելով, թաղավարդցի Ռուդիկ Բադասյանի համոզմամբ, ադրբեջանցիները փորձել են վախեցնել բնակիչներին։

Բադասյանն ասում է՝ նմանատիպ վերջին դեպքը եղել է ապրիլին։

Նշենք, որ օրեր առաջ էլ՝ օգոստոսի 30-ին, ադրբեջանցիները վառել էին Թաղավարդի՝ իրենց հսկողության տակ անցած հատվածի տները. 7-8 տուն և մի քանի այգիներ ու մարագներ թշնամին հրո ճարակ էր դարձրել։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ