Զոհվածի մայրը՝ ՀՀ նախկին նախագահներին ու վեհափառին (ՏԵՍԱՆՅՈՒԹ)

Նիկոլ Փաշինյանն ասում է՝ սուգը՝ սուգ, բայց հպարտացեք. Ես ցանկանում եմ, որ դու ինքդ էդ առիթը ունենաս հպարտանալու քո երեխեքով, ոնց որ խորհուրդ ես տալիս մնացած ծնողներին: Այս մասին, այսօր՝ սեպտեմբերի 13-ին, ԱԺ շենքի դիմաց զոհված զինծառայողների ծնողների բողոքի ակցիայի ժամանակ նշեց զոհված զինծռայողներից մեկը մայրը:

«Մենք էլի հպարտանում ենք, մեր տղերքը չեն պարտվել, մինչև վերջին շունչը կռվել են»,-ասաց նա:

Ակցիայի մեկ այլ մասնակի ասաց. «Պահեստազորի բոլոր սպաներին, ազատամարտիկներին, ազնիվ գեներալներին, բոլորին սպասում ենք այստեղ: Այսօր մնում ենք այստեղ, մենք մեզ հաշվում ենք մահապարտներ, եթե պետք լինի բոլորս կհայտարարենք հացադուլ: Եթե դուք ունեք հայրենիք, սիրում եք ձեր հայրենիքը, դուք կլինեք այստեղ: Մենք հայրենիք չունենք Նիկոլ վիժվածքին հանձնելու»:

Մեկ այլ ծնող էլ նշեց. «Դիմում եմ մեր առաջին, երկրորդ, երրորդ նախագահներին և մեր վեհափառ հորը. մենք այստեղ ենք, մենք ձեր աջակցության կարին ունենք, այստեղից չենք գնալու, սպասելու ենք այնքան, մինչև դուք գաք, միանաք մեզ ու առաջնորդեք:

Պահանջում ենք, որ գաք ու տեր կանգնեք մեր երկրին: Այլևս ուշացնել չի կարելի: Հենց այսօր նստեք սեղանի շուրջ, եկեք համաձայնության ու առաջնորդեք մեզ»:

Նշենք, որ ԱԺ շենքի դիմաց մեծ թվով ոստիկաններ էին բերվել, նրանք փակել էին խորհրդարանի շենք տանող մուտքերը։ Սա բարկացրել էր ակցիայի մասնակիցներին, նրանք հորդորում էին ոստիկաններին չպաշտպանել «դավաճան»-ին, միանալ իրենց ու փրկել հայրենիքը։

News.am