2022-09-27 10:14
Информагентства
Պետդեպ․ ԱՄՆ-ի համար հատկապես կարևոր է Հայաստանի և Ադրբեջանի դիրքորոշումների մերձեցումը
ԱՄՆ-ի համար հատկապես կարևոր է Հայաստանի և Ադրբեջանի դիրքորոշումների մերձեցումը։ Այս մասին հայտարարել է Պետդեպարտամենտի ներկայացուցիչ Նեդ Փրայսը` մեկնաբանելով Նյու Յորքում ՄԱԿ-ի Գլխավոր ասամբլեայի շրջանակներում Հայաստանի և Ադրբեջանի արտգործնախարարների հանդիպումը պետքարտուղար Էնթոնի Բլինքենի հետ։
Նա հիշեցրել է, որ սա երկու արտգործնախարարների առաջին անձնական հանդիպումն էր բռնության վերջին բռնկումից հետո։ «Պետքարտուղարը նշել է հրադադարին հետևելու, հանգստության պահպանման կարևորությունը։ Նա նշել է, որ Միացյալ Նահանգները հանձնառու է կայուն զինադադարին և խաղաղ կարգավորմանը։ Մենք երկու արտգործնախարարներին էլ հասկացրել ենք, որ Միացյալ Նահանգները պատրաստ է գործընկերների հետ միասին աջակցել այս գործընթացին երկկողմ, բազմակողմ մակարդակով։ Դա աջակցություն է ներառում Եվրոպական խորհրդի նախագահ Շառլ Միշելի ջանքերին: Այդ հանդիպման ընթացքում կողմերը քննարկել են առաջընթացի լավագույն ուղին, և պետքարտուղարը կողմերին հրավիրել է մտքեր փոխանակել այն մասին, թե ինչպես կարելի է մինչև ամսվա վերջ էականորեն առաջ տանել խաղաղ գործընթացը:
Մեր ուղերձը հետևողական է եղել։ Մենք կոչ ենք անում Ադրբեջանին վերադարձնել զորքերն իրենց սկզբնական դիրքերը։ Մենք կոչ ենք անում դուրս բերել ռազմական ուժերը և աշխատում ենք Հայաստանի և Ադրբեջանի միջև առկա բոլոր խնդիրները լուծել խաղաղ բանակցությունների միջոցով։ Ուժի կիրառումն ընդունելի միջոց չէ։ Մենք հասկացրել ենք դա մասնավոր կերպով: Մենք դա հայտարարել ենք նաև հրապարակայնորեն և ուրախ ենք, որ մեր շարունակական ներգրավվածությունը, այդ թվում՝ բարձր մակարդակով, այդ թվում՝ անցյալ շաբաթ Նյու Յորքում, երկու երկրների հետ օգնեց դադարեցնել մարտերը, և մենք կշարունակենք ներգրավվել և խրախուսել աշխատանքը, որն անհրաժեշտ է տևական խաղաղության ձերք բերման մեջ, քանի որ այս հակամարտությունը ռազմական լուծում չի կարող ունենալ»,- ասել է նա։
Հարցին, թե երբ կարող է տեղի ունենալ Հայաստանի և Ադրբեջանի ԱԳ նախարարների հաջորդ հանդիպումը, Փրայսը պատասխանել է, որ դա երկու երկրների որոշելիքն է լինելու։ «Բայց մենք կարծում ենք, որ Հայաստանի և Ադրբեջանի հետագա անմիջական փոխգործակցությունը համապատասխանում է ոչ միայն նրանց, այլև տարածաշրջանի և դրանից դուրս շահերին: Մենք օգնություն ենք առաջարկել, դարձյալ երկկողմ, եռակողմ, բազմակողմ մակարդակով, և, իհարկե, ԵՄ-ն նույնպես կարևոր դեր է խաղում»։
Հարցին այն մասին, որ փորձագետներն ասում են, որ ԱՄՆ-ի կոչերը վերհանդիպման համար վկայում են այն մասին, որ Վաշինգտոնն այժմ գործընթացն առաջ տանելու պլան չունի, Պետդեպի ներկայացուցիչն ասել է. «Մեր խնդիրն է մերձեցնել կողմերին, դյուրացնել երկխոսությունը, օգնել կողմերին միասին հաղթահարել տարաձայնությունները, հաղթահարել տարաձայնությունները խաղաղ և դիվանագիտական ճանապարհով։ Դա է մեր շարունակական աշխատանքը»:
News.am
ПОСЛЕДНИЕ ОТ АВТОРА
-
New2025-07-23 19:43Между британской компанией и Кашенским месторождением стояли Арцах и 120 тысяч армян 5 ноября 2020 года Шаварш Кочарян, который на тот момент занимал должность замглавы МИД Армении, заявил, что одно из государств – постоянных членов Совбеза ООН сорвало на закрытой встрече совета согласование единой позиции, касающейся эскалации конфликта в Нагорном Карабахе. Практически сразу в СМИ просочилась информация о том, что это Британия заблокировала принятие резолюции Совбеза ООН по Карабаху, согласованной сопредседателями Минской группы ОБСЕ.
-
New2025-07-23 19:39Отказ властей Армении выполнять решение Стокгольмского арбитража чреват последствиями, согласно и национальному законодательству, и Нью-Йоркской конвенции (о признании и приведении в исполнение международных арбитражных решений). От этом заявила в соцсетях экс-министр юстиции Армении Арпине Ованнисян.
-
New2025-07-23 19:35Всемирная организация здравоохранения (ВОЗ) наблюдает в секторе Газа резкий рост числа смертей, связанных с недоеданием, в 2025 году организация задокументировала в Газе 21 случай смерти детей в возрасте до пяти лет из-за этого. Об этом заявил на брифинге глава ВОЗ Тедрос Адханом Гебрейесус.
-
New2025-07-23 19:30Защитники архиепископа Микаэла Аджапахяна сообщили, что предварительное расследование по уголовному делу в отношении него объявлено завершённым.