2022-09-28 09:21
Информагентства
Ռուբեն ՍԱՖՐԱՍՏՅԱՆ․ ԵԹԵ ՌԴ-Ն ԹՈՒԼԱՆԱ, ԹՈՒՐՔԻԱՆ ԵՎ ԱԴՐԲԵՋԱՆԸ ՀՀ-Ի ՀԱՆԴԵՊ ԿԴԱՌՆԱՆ ԱՎԵԼԻ ՍԱՆՁԱՐՁԱԿ
Թուրքիայի ռազմավարությունը Հարավային Կովկասում խարսխված է այն դիրքորոշման վրա, որ պետք է տարածաշրջանը դիտարկել որպես բուֆերային գոտի իր և ՌԴ-ի միջև։ Այսպես է կարծում ակադեմիկոս, թուրքագետ Ռուբեն Սաֆրաստյանը։ Sputnik Արմենիայի եթերում նա նշում է, որ Թուրքիան, քայլ առ քայլ ուժեղացնելով իր ազդեցությունը տարածաշրջանում, փորձում է Ռուսաստանին դուրս մղել այստեղից։
«Այդ ռազմավարության իրականացման ճանապարհին Թուրքիան կիրառում է տակտիկական տարբեր քայլեր ու հնարքներ, որոշ չափով համագործակցում է Ռուսաստանի հետ, բայց իրականում 1991 թվականից իր որդեգրած ռազմավարությունը չի փոխվել։ Պատկերացնենք մի իրադրություն. եթե Թուրքիայի համար հնարավորություն ստեղծվի իր ռազմավարությունն իրագործել բացահայտ կերպով` ի հակադրություն Ռուսաստանի, նա անվերապահորեն կգնա այդ քայլին»,– ասաց Սաֆրաստյանը։
Նրա կարծիքով` Հայաստան զորախմբեր մտցնելը Թուրքիայի համար դեռ կարմիր գիծ է, որովհետև ներկա փուլում, դիտարկելով իրական քաղաքականությունը, կարելի է ասել, որ Ռուսաստանն ունի բոլոր հնարավորությունները դրան կտրուկ պատասխան տալու համար։ Բայց եթե ուկրաինական հակամարտության պատճառով Թուրքիային հակահարված տալու, նրա գործողությունները սահմանափակելու հնարավորություններն որոշակիորեն թուլանան, ապա Թուրքիան իր կրտսեր դաշնակից Ադրբեջանի հետ կդառնա ավելի սանձարձակ։
«Ներկա փուլում Թուրքիան և Ադրբեջանը դարձել են շատ ագրեսիվ այն պատճառով, որ չեն ստացել այն, ինչ նախապես ուզում էին 44-օրյա պատերազմի արդյունքում։ Հիմա հաղթողի իրավունքով ցանկանում են ամեն կերպ հասնել իրենց նպատակին` հաշվի չառնելով նույնիսկ այն իրողությունը, որ իրենց ուզածն իրականում իրենց չի պատկանում»,– ասաց թուրքագետը։
Սաֆրաստյանի դիտարկմամբ` Լեռնային Ղարաբաղ խաղաղապահներ մտցնելը Թուրքիայի և Ադրբեջանի ծրագրերը խառնելու ռուսական ծրագրի մի մասն էր, որովհետև Թուրքիան ինքն էլ ցանկանում էր խաղաղապահ զորախումբ տեղակայել Արցախում։ Ըստ նրա` Ռուսաստանը, չնայած Ուկրաինայի հետ կապված բարդություններին, շարունակում է Հարավային Կովկասում մնալ որպես գերիշխող ուժ։
Նշենք, որ օրեր առաջ Հայաստան կատարած այցի ժամանակ Ռուսաստանի Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի փոխնախագահ, ԱՊՀ երկրների ինստիտուտի ղեկավար Կոնստանտին Զատուլինը հայտարարեց` այժմ Ռուսաստանի խնդիրն այն է, որ հայ-ադրբեջանական հակամարտության մեջ հայտնվել են նոր գործոններ, առաջին հերթին՝ թուրքականը։
Պատգամավորը նշեց, որ Ռուսաստանը փորձում է հնարավորինս պահպանել գործընկերային հարաբերություններ Թուրքիայի հետ՝ հաշվի առնելով մի շարք գործոններ. դրանք են` և՛ Արևմուտքի հետ առճակատումը, և՛ իր սահմանների մոտ նոր հակամարտություն թույլ չտալու ձգտումը։ Մոսկվան շատ լավ է հասկանում, որ Անկարայի հավակնությունները չեն վերացել։ Շահերի բախում կա Կովկասում, Ղրիմում, Միջին Ասիայում։
ПОСЛЕДНИЕ ОТ АВТОРА
-
New2025-06-05 19:56Премьер-министр Никол Пашинян, возмущенный публикацией во французской прессе о том, что он купил в этой стране особняк стоимостью более 3 миллионов евро, на сегодняшнем заседании правительства вновь выступил с обвинениями в адрес второго президента Армении Роберта Кочаряна.
-
New2025-06-05 19:55По итогам переговоров грузинские таможенные службы пропустили в Россию 52 армянские фуры с алкоголем (коньяка и вина). Об этом заявил министр экономики Армении Геворк Папоян, на обсуждении отчета о выполнении госбюджета за 2024 год.
-
New2025-06-05 19:52Школы и детские сады закрываются по всей Армении. Об этом написала на своей странице в Facebook супруга экс-главы МИД Армении Нани Осканян, касаясь сегодняшнего заявления премьер-министра РА Никола Пашиняна о том, что в свое время в Дилижане последней было предоставлено здание детсада.
-
New2025-06-05 19:49Новый КПП в Мегри, на границе с Ираном, строящийся на кредит Европейского Банка реконструкции и развития, готов лишь на 11,5%. Об этом заявил председатель парламентской комиссии по региональной и евразийской интеграции Вагаршак Акопян в ходе обсуждения отчета о выполнении госбюджета Армении за 2024 год.