2022-10-07 09:08
Информагентства
AFP-ն՝ ԵՔՀ-ի ընտանեկան լուսանկարի մասին. Փաշինյանը կանգնած է Էրդողանի ետևում, երկրորդ շարքում
Եվրոպայի առաջնորդները մեկ մեծ բացով պատկերված են «ընտանեկան լուսանկարում»՝ Պրահայում նորաստեղծ Եվրոպական քաղաքական համայնքի առաջին գագաթաժողովում։
Ռուսաստանի նախագահ Վլադիմիր Պուտինի բացակայությունն ընդգծում է խորը անջրպետը նրա երկրի և մայրցամաքի մնացած մասի միջև, գրում է AFP-ն:
Բելառուսի նախագահ Ալեքսանդր Լուկաշենկոն նույնպես չկա լուսանկարում և այժմ ԵՄ-ում նախագահող Չեխիայի կառավարության կազմակերպած գագաթաժողովում։
Հաշվի առնելով բավականին անհասկանալի օրակարգը, ընտանեկան լուսանկարը, կարծես թե, կդառնա հանդիպման գրավիչ կետը, որին մասնակցում են ԵՄ առաջնորդները, ինչպես նաև Հայաստանի, Ադրբեջանի, Մեծ Բրիտանիայի, Կոսովոյի, Շվեյցարիայի և Թուրքիայի առաջնորդները:
Ֆրանսիայի նախագահ Էմանուել Մակրոնը, որը նախաձեռնության հեղինակն է, ասել է, որ նախագիծը մշակվել է, որ «միասնության» և «ռազմավարական մտերմության» մասին ուղերձ հղի: Սակայն 44 առաջնորդների միջև եղած տարաձայնությունները ի հայտ են եկել նույնիսկ Պրահայի ամրոցում նկարվելիս:
Եվրոպական խորհրդի ղեկավար Շառլ Միշելը Հունգարիայի նախագահ Վիկտոր Օրբանի ձախ կողմում է, վերջինիս համարում են ԵՄ-ի հանգիստը խաթարող՝ կոռուպցիոն օրենքների նկատմամբ իր դիրքորոշման և Պուտինի հետ սերտ կապերի պատճառով:
Ինքը՝ Մակրոնը կենտրոնական տեղ է զբաղեցրել առաջին շարքում՝ Չեխիայի վարչապետ Պետր Ֆիալայի և Կիպրոսի նախագահ Նիկոս Անաստասիադեսի միջև:
Ֆիալայի աջ կողմում Ադրբեջանի նախագահ Իլհամ Ալիևը, որը կտրուկ քննադատության է արժանացել ԵՄ-ի կողմից՝ Հայաստանի հետ իր երկրի ռազմական բախումների պատճառով, կանգնած է իր դաշնակցի՝ Թուրքիայի նախագահ Ռեջեփ Թայիփ Էրդողանի կողքին, որին ԵՄ-ն նույնպես խնդրահարույց է համարում։
Հայաստանի վարչապետ Նիկոլ Փաշինյանը, որը ուրբաթ օրը ավելի վաղ հանդիպել է Ալիևի և Էրդողանի հետ բանակցությունների համար, կանգնած է Էրդողանի ետևում, երկրորդ շարքում։
Գերմանիայի կանցլեր Օլաֆ Շոլցը, որին քննադատում են Ուկրաինա ժամանակակից զենք ուղարկելու հարցում դանդաղելու համար, ետևում է՝ երրորդ շարքում։
Կոսովոյի նախագահ Վյոսա Օսմանին եկել է հանդիպմանը՝ ողջունելով այն որպես եվրոպացի գործընկերների հետ «հավասարի պես» հանդիպելու հնարավորություն: Բայց նա, հնարավոր է, դժգոհ է լուսանկարից, քանի որ մնացել է եզրին, և նրան զգալիորեն փակում է Ուկրաինայի բարձրահասակ վարչապետ Դենիս Շմիգալը:
News.am
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.