2022-10-07 12:53
Информагентства
ՀՀ ՄԻՊ․ Կլաարից պահանջել եմ ադրբեջանցիներին ենթադրաբար խոշտանգելու տեսանյութը
ՄԻ պաշտպան Քրիստինե Գրիգորյանը դիմել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին և խնդրել, որպեսզի իրեն տրամադրի այն տեսանյութերը, որոնք, Կլաարի համոզմամբ, կարող են խոսել ադրբեջանական գերիների կամ դիերի խոշտանգումների վերաբերյալ։ Այսօր հրավիրված ասուլիսի ժամանակ տեղեկությունը հայտնեց Քրիստինե Գրիգորյանը` անդրադառնալով Կլաարի թվիթերյան գրառմանը։
Նշենք, որ հայ անզեն գերիներին գնդակահարության դեպքից հետո Կլաարը գրառում էր արել` դատապարտելով այն։ Դրան հաջորդել էր Կլաարի մեկ այլ գրառումն այն մասին, թե մի քանի տեսանյութ է ստացել Ադրբեջանի դեմ իրականացված պատերազմական հանցագործությունների մասին։
«Իմ հանձնառությունն եմ հայտնել` հետևելու այդ հաղորդագրություններին ու դրանց մասին ՀՀ իրավապահներին հայտնել։ Կլաարը պատասխանել է, որ կուղարկի այդ տեսանյութն ինձ, սակայն մինչ այս պահը դեռ չի ուղարկել»,–ասաց Գրիգորյանը։
Նա հայտնեց նաև, որ 2020-ի պատերազմի ժամանակ հայ զինվորների ենթադրաբար հանցագործությունների հետ կապված ՀՀ–ում քրգործ է հարուցվել, որը դեռ ընթանում է։ ՄԻ պաշտպանի խոսքով` այս տեսակետից շատ կարևոր է իր համար Կլաարից ստանալ այդ տեսանյութն ու ուսումնասիրել։
Գրիգորյանը մեկնաբանեց նաև ադրբեջանական վերահսկողության տակ անցած տարածքներում գերեզմանների հայտնաբերման լուրին, որտեղ իբրև թե ադրբեջանցիների զանգվածային հուղարկավորություն է կատարվել։ Նա նշեց, որ կարևոր է համարում բոլոր հնարավոր հանցագործությունների օբյեկտիվ քննությունը, սակայն սոցցանցերում շրջանառվող տեսանյութը խնդրահարույց է: Նրա համոզմամբ, այդ հարցով պետք է զբաղվի փորձագետների անկախ միջազգային խումբը։ Գրիգորյանը նշեց, որ տեսագրությունն իր համար արժանահավատ չէ։
Հիշեցնենք` հոկտեմբերի 2-ի առավոտյան ադրբեջանական Telegram ալիքներում տեսանյութ էր տարածվել, որտեղ ցուցադրվում էր, թե ինչպես են ադրբեջանցի զինվորականները գնդակահարում հայ գերիներին։
Sputnik Արմենիա
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.