2022-10-07 16:20
Информагентства
«Երիտասարդական» կայարանում բացվեց Կոմպոզիտորների միության 90-ամյակին նվիրված ցուցահանդեսը
Հայաստանի կոմպոզիտորների միության հիմնադրման 90-ամյակին նվիրված ցուցահանդես է բացվել մետրոյի «Երիտասարդական» կայարանում:
Մեկ ամսվա ընթացքում մետրոպոլիտենի ուղևորները հնարավորություն կունենան ծանոթանալու Միության գործունեության մասին առավել նշանակալի արխիվային նյութերին:
Հայաստանի կոմպոզիտորների միության ղեկավար Արամ Սաթյանը նշեց, որ նման միջոցառում առաջին անգամ է անցկացվում։
«Խորհրդանշական է, որ ցուցահանդեսն անցկացվում է «Երիտասարդական» կայարանում, երիտասարդ սերունդը պետք է իմանա իր կոմպոզիտորներին», - լրագրողների հետ զրույցում նշեց Սաթյանը:
ՀՀ կրթության, գիտության, մշակույթի և սպորտի փոխնախարար Արա Խզմալյանն իր հերթին նախաձեռնությունը կարևոր և նշանակալի համարեց: Նա վստահ է, որ մշակույթը պետք է «դուրս գա արխիվներից ու թանգարանների սրահներից և մարդկանց կենցաղ մտնի»։
«Ես միշտ համարել եմ, որ մետրոպոլիտենը հսկայական ներուժ ունի, որը մենք կարող ենք օգտագործել մշակույթի հանրահռչակման առումով։ Մետրոն ինքնին քաղաքային մշակույթի դրսևորում է» - ասաց Խզմալյանը։
Խզմալյանը չբացառեց, որ ապագայում մետրոպոլիտենի ղեկավարության հետ համագործակցությամբ այլ միջոցառումներ կկազմակերպվեն:
Ինչ վերաբերում է սահմանային միջադեպերի ազդեցությանը ՀՀ մշակութային կյանքի վրա, պաշտոնյան նշեց, որ դրանք չեն կարող չանդրադառնալ, սակայն դա մշակութային միջոցառումների չեղարկման առիթ չէ:
«Մենք պետք է կենտրոնացնենք մեր ուժը և թույլ չտանք կաթվածահար անել հասարակական կյանքը», - ասաց Խզմալյանը:
Նրա խոսքով՝ ինչպես զինվորը մարտական հերթապահություն է անում, իսկ բժիշկը կամ դիվանագետը՝ կատարում է իր աշխատանքը, այնպես էլ մշակույթի գործիչը չի կարող հրաժարվել իր պարտականություններից:
«Երևանի մետրոպոլիտեն» ՓԲԸ տնօրեն Բաբկեն Սեդրակյանը նշեց, որ իրենք պատրաստ են աջակցել նման միջոցառումներին և բաց են համագործակցության համար:
Նշենք, որ կազմակերպիչների մտահղացմամբ, բացի ցուցադրությունից, կայարանում պետք է հայ դասականների ստեղծագործությունները հնչեին, սակայն երկրում ստեղծված իրավիճակի պատճառով միջոցառումների երաժշտական բաղադրիչը հանվել է:
Հայաստանի կոմպոզիտորների միությունը հիմնադրվել է 1932 թվականին Երևանում։ Կոմպոզիտորների տանը կազմակերպվում են հանդիպումներ, համերգներ-քննարկումներ և այլ միջոցառումներ:
Sputnik Արմենիա
ПОСЛЕДНИЕ ОТ АВТОРА
-
New2025-07-24 19:45Временный управляющий компании "Элсети Армении" Романос Петросян провел ряд кадровых перестановок. Об этом он сообщил на своей странице в соцсетях.
-
New2025-07-24 19:43Ваагн Чахалян, находящийся под стражей с 5 июля, направил Николу Пашиняну из пенитенциарного учреждения письмо, в котором говорится: «Я не обращаюсь к вам с приветствиями, Никол, и вы лучше всех знаете, почему. Вы не можете себе представить, Никол, но я слушал вашу пресс-конференцию от начала до конца в тюрьме. Что ж, я теперь такой же, как и вы, я не способен ни творить добро, ни сделать что-либо полезное для человечества. Но, слава Богу, во-первых, моё состояние временное, а во-вторых, я не занимаюсь злодеяниями.
-
New2025-07-24 19:38Семья Карапетян не обязана продолжать реализацию инвестиционной программы в компании "Электрические сети Армении". Об этом заявила бывший министр юстиции, юрист Арпине Ованнисян, комментируя заявление председателя КРОУ Месропа Месропяна.
-
New2025-07-24 19:36Германская епархия Армянской Апостольской церкви призывает власти страны уважать независимость Церкви и придерживаться принципов права и справедливости. Об этом заявил РИА Новости духовный пастырь армянской общины Баден-Вюртемберга Тиратур Сардарян.