2022-10-10 13:55
Информагентства
Վահագն Ալեքսանյան․ Գորիս-Կապան մայրուղին չի մտնում ՀՀ սահմանների մեջ
Գորիս-Կապան մայրուղին չի մտնում ՀՀ սահմանների մեջ։ Այսօր ճեպազրույցների ժամին այս մասին հայտարարեց ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը` խոսելով Ադրբեջանի հետ սահմանազատման գործընթացի հիմքում 1991թ–ի Ալմա Աթայի հռչակագիրն ընդունելու վերաբերյալ Պրահայում ձեռք բերված պայմանավորվածության մասին։
«Գորիս-Կապան մայրուղին, որը 2020թ–ի նոյեմբերի 9-ի հայտարարությամբ անցավ Ադրբեջանի վերահսկողությանը, այդ սահմանների մեջ չի մտնում, ինչպես նաև չի մտնում այն սահմանների մեջ, որոնք նկարագրված են 2010թ–ին ՀՀ ԱԺ–ի կողմից ընդունված «Հայաստանի վարչատարածքային բաժանման մասին օրենքով»,– ասաց Ալեքսանյանը։
Լրագրողի հակադարձմանը, թե այդ ճանապարհը 30 տարի եղել է ՀՀ սահմաններում, իշխանական պատգամավորը պատասխանեց, որ Արցախյան առաջին պատերազմում տարած հաղթանակը ՀՀ իշխանություններին թույլ է տվել 30 տարի անել այն, ինչ իրենք արել են։
«Եթե որպես արգումենտ բերվում է այն, որ «այն ժամանակ արվում էր», ապա այն ժամանակ արվում էր այն, որ ՀՀ ամբողջ պետական բյուջեն զիջում էր Ադրբեջանի միայն ռազմական բյուջեին, ու բնական է, որ այդ բյուջեով ձեռք բերված զինամթերքը մի օր կրակելու էր»,– ասաց Ալեքսանյանը։
Նշենք, որ Ալեքսանյանի հիշատակած օրենքը, որի մասին ժամանակին նաև Փաշինյանն էր ակտիվ ելույթներ ունենում` ՀՀ նախկին իշխանություններին մեղադրելով Հայաստանի սահմանների մեջ տվյալ տարածքը չներառելու մեջ, իրականում ընդունվել է 1995 թվականին, իսկ 2010 թվականին դրանում որոշ փոփոխություններ ու լրացումներ են արվել: Ընդ որում` օրենքը վերաբերում է ոչ թե ՀՀ պետական սահմաններին, այլ վարչատարածքային միավորների` համայնքների սահմաններին։
Գորիս-Կապան ճանապարհի հիշյալ հատվածը Ադրբեջանի վերահսկողությանն է անցել ոչ թե 2020 թվականի նոյեմբերի 9-ի հայտարարության արդյունքում, այլ 2020թ–ի դեկտեմբերին, երբ Հայաստանի իշխանությունների հրամանով ՀՀ ԶՈւ–ն դուրս բերվեց Սյունիքից։
Sputnik Արմենիա
ПОСЛЕДНИЕ ОТ АВТОРА
-
New2025-06-07 13:35Инспекционный орган безопасности продуктов питания Армении в рамках проводимого на рынке мороженого мониторинга представил результаты экспертизы образцов, взятых на производственных объектах, принадлежащих ООО «Игит» и «Пинк Берри» и индивидуальному предпринимателю Азату Казанчяну.
-
New2025-06-07 13:33Оппозиционная фракция «Честь имею» Национального Собрания Армении выдвинула кандидатом на пост премьер-министра в рамках инициируемого процесса импичмента главу общины Масис Давида Амбарцумяна.
-
New2025-06-07 13:03Спасатели обнаружили тело женщины в канале рядом с улицей Исакова в Ереване, сообщает пресс-служба МВД Армении.
-
New2025-06-07 13:01В Первопрестольном Святом Эчмиадзине приняли решение впредь реже реагировать на дискредитирующие заявления властей — в частности, на публикации с ненормативной лексикой премьер-министра Никола Пашиняна о Церкви и мирской жизни духовенства. Об этом сообщает газета «Жоховурд» со ссылкой на источники.