2022-10-11 11:37
Информагентства
Ֆրեզնոյի բժշկական պատվիրակությունն այս տարի իր առաքելությունն ավարտեց Հայաստանում
Ֆրեզնոյի բժշկական պատվիրակությունն ավարտեց իր այս տարվա բարեգործական այցը Հայաստան: Խումբը Հայաստանում էր Ֆրեզնոյում ՀՀ պատվավոր հյուպատոս Պերճ Աբգարյանի նախաձեռնությամբ: Ինչպես տեղեկացնում է «Արմենպրես»-ը, առաքելությունը Հայաստանում է արդեն յոթերորդ անգամ:
Ինչպես նախկինում, այս տարի ևս, ԱՄՆ տարբեր բուժհաստատությունների լավագույն մասնագետներով համալրված խումբը Հայաստան էր եկել Ֆրեզնոյում բժշկական առաքելության խորհրդի անդամ, ծրագրերի պատասխանատու Վաչե Վասիլյանի գլխավորությամբ:
«Սա մեր հերթական առաքելությունն էր հայրենիքում: Խմբի կազմում 32 տարբեր մասնագետներ էին: Ինչպես անցած տարի, այս տարի ևս հիմնականում կենտրոնացել էինք մեր հերոս զինվորների առողջական խնդիրների վրա: Հենց դրա համար այս տարի խմբի մեծ մասը՝ 14-ը, վերականգնողական բժշկությամբ զբաղվող մասնագետներ էին»,-«Արմենպրես»-ի հետ զրույցում նշեց Վաչե Վասիլյանը՝ տեղեկացնելով, որ այս անգամ խումբն աշխատեց Արմավիրի, Լոռու ու Շիրակի մարզերում՝ չմոռանալով նաև սոցիալապես անապահով քաղաքացիներին:
«Բացի թերապևտիկ ծառայությունից, իրականացվել են նաև ակնաբուժական, ատամնաբուժական և այլ ծառայություններ: Մատուցվել են ինչպես խորհրդատվական, այնպես էլ վիրահատական ծառայություններ: Մի քանի բուժհաստատությունների էլ բժշկական սարքավորումներ ու դեղորայք ենք նվիրել: Մենք գիտեինք, որ այս անգամ, ավելի քան երբևէ, հայրենիքը մեր կարիքն ուներ»,- նշեց Վաչե Վասիլյանը:
Նա հավելեց, որ իրենց կարողությունների շրջանակում կփորձեն կրկին աջակցել Հայաստանին:
«Անշուշտ, մեր առաքելությունը կշարունակվի, արդեն հետ վերադառնալով Ֆրեզնո՝ կսկսենք ծրագրել հաջորդ այցը՝ որպես թիրախ ունենալով Հայաստանի բնակիչների կարիքները: Մենք Հայաստան ենք գալիս ոչ միայն օգնելու ու մեր ժողովրդի ցավերը կիսելու, այլ նաև օգտվելու՝ լիցքավորվելու հայրենիքում»,- խոստովանեց նա:
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.