2022-10-11 16:17
Информагентства
ՀՀ ՄԻՊ-ը Բրիս Ռոքֆոյին է ներկայացրել Ադրբեջանի ԶՈւ-ի կողմից իրականացված խոշտանգումները
ՀՀ մարդու իրավունքների պաշտպանը ներկայացրել է հայ զինծառայողների նկատմամբ Ադրբեջանի զինված ուժերի կողմից իրականացված խոշտանգումները ԵԱՀԿ Մինսկի խմբի Ֆրանսիայի համանախագահ Բրիս Ռոքֆոյին։ Հանդիպումը կայացել է հոկտեմբերի 10-ին, հայտնում են ՀՀ ՄԻՊ աշխատակազմից։
Հանդիպման ընթացքում պաշտպանը ներկայացրել է Ադրբեջանի զինված ուժերի կողմից Հայաստանի վրա հարձակման հետևանքները՝ անդրադառնալով միջազգային մարդասիրական իրավունքի և մարդու իրավունքների կոպիտ ու շարունակվող խախտումներին։
Իր խոսքում պաշտպանը ներկայացրել է հայ զինծառայողների, մասնավորապես կանանց նկատմամբ Ադրբեջանի զինված ուժերի կողմից իրականացված խոշտանգումների, անմարդկային ու նվաստացնող վերաբերմունքի դեպքերը, ինչպես նաև փոխանցել է պաշտպանի հաստատության կողմից այս փաստերն ամրագրող ոչ հրապարակային զեկույցը։
Բրիս Ռոքֆոյը կարևորել է պաշտպանի հաստատության կողմից իրականցվող աշխատանքները և համագործակցությունը շարունակելու պատրաստակամություն հայտնել։
Հանդիպմանը ներկա է եղել նաև Հայաստանում Ֆրանսիայի արտակարգ և լիազոր դեսպան Անն Լույոն։
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
Հոկտեմբերի 4-ին Ադրբեջանը Հայաստանին վերադարձրեց 17 գերիների։
Sputnik Արմենիա
ПОСЛЕДНИЕ ОТ АВТОРА
-
2025-04-04 19:43Фестиваль российского кино открылся в Ереване в кинотеатре "Москва" с показа фильма "Любовь Советского Союза". Кинокартина повествует о женщине, которую любили на всем постсоветском пространстве.
-
2025-04-04 19:41Евразийский экономический союз (ЕАЭС) и Вьетнам ведут переговоры о либерализации положений соглашения о свободной торговли. Об этом заявил вице-премьер России Алексей Оверчук в эфире телеканала "Россия 24".
-
2025-04-04 19:38Ветераны Великой Отечественной войны из Армении будут присутствовать на торжественных мероприятиях в Москве и Санкт-Петербурге, приуроченных к 80-летию Победы. Об этом посол РФ в Армении Сергей Копыркин сообщил журналистам.
-
2025-04-04 19:37Единый кандидат в мэры Гюмри от оппозиции Вардан Гукасян назвал правильным шагом решение Мартуна Григоряна поддержать его для избрания градоначальником.