ԱՄՀ․ Համաշխարհային տնտեսությունը դեպի «ալեկոծված ջրեր» է գնում

Արժույթի միջազգային հիմնադրամը հայտարարել է, որ համաշխարհային տնտեսությունը գնում է դեպի «ալեկոծված ջրեր»՝ նվազեցնելով հաջորդ տարվա համաշխարհային աճի կանխատեսումները և նախազգուշացնելով համաշխարհային լուրջ անկման մասին, եթե քաղաքականություն մշակողները սխալ կառավարեն գնաճը:

Մռայլ գնահատականը մանրամասն շարադրված է հիմնադրամի «Համաշխարհային տնտեսության զարգացման հեռանկարները» զեկույցում։

«Մի խոսքով, վատագույնը դեռ առջևում է, և շատերի համար 2023 թվականը որպես ռեցեսիա կզգացվի»,- ասվում է զեկույցում:

ԱՄՀ-ն այս տարի պահպանել է համաշխարհային 3,2 տոկոս աճի իր վերջին կանխատեսումը, սակայն այժմ կանխատեսում է, որ 2023 թվականին աճը կդանդաղի մինչև 2,7 տոկոս՝ մի փոքր ավելի ցածր, քան իր նախորդ գնահատական էր: Սակայն տարեսկզբին ԱՄՀ-ն կանխատեսում է շատ ավելի ուժեղ գլոբալ աճ, 4,4 տոկոս՝ 2022 թվականին և 3,8 տոկոս՝ 2023 թվականին, ընդգծելով, թե որքան մռայլ է եղել հեռանկարը վերջին ամիսներին:

Ակնկալվում է, որ գնաճը կհասնի առավելագույնի այս տարվա վերջին և 2022-ի 8,8տոկոսից կնվազի մինչև 2023-ին 6,5 տոկոս։

«Ռիսկերը կուտակվում են»,- ասել է ԱՄՀ-ի գլխավոր տնտեսագետ Պիեռ-Օլիվյե Գուրինշան: «Մենք ակնկալում ենք, որ համաշխարհային տնտեսության մոտ մեկ երրորդը կլինի տեխնիկական անկման մեջ»:

Կորպորատիվ Ամերիկան և Ուոլ Սթրիթն արդեն պատրաստվում են անկման: JPMorgan Chase-ի գործադիր տնօրեն Ջեյմի Դայմոնը CNBC-ին ասել է, որ Միացյալ Նահանգները, ամենայն հավանականությամբ, կհայտնվի «ռեցեսիայի մեջ 6-9 ամիս հետո»:

Արժույթի միջազգային հիմնադրամի զեկույցը մանրամասնում է, թե ինչպես են Միացյալ Նահանգների, եվրոյի գոտու և Չինաստանի տնտեսությունները գտնվում դանդաղման տարբեր վիճակներում՝ առաջացնելով ալիքային ազդեցություններ ամբողջ աշխարհում:

News.am