2022-10-13 11:47
Информагентства
Պայմանագրային զինծառայողներին հավելավճարի իրավունք կտրվի
Պայմանագրային զինծառայողների աշխատավարձը կամավոր ատեստավորում անցնելուց հետո կբարձրանա։
Այս մասին այսօր ՀՀ կառավարության նիստում հայտնեց ՀՀ պաշտպանության նախարար Սուրեն Պապիկյանը` ներկայացնելով համապատասխան օրենսդրական նախագծերի փաթեթը։
«Օրենքների նախագծերի փաթեթի ընդունումը պայմանավորված է պայմանագրային զինվորական ծառայություն անցնելու գրավչությունն ու շահագրգռվածությունը բարձրացնելու նպատակով, անմիջականորեն մարտական խնդիրների իրականացման, պլանավորման կամ վերահսկման գործառույթներ ունեցող, պաշտոններ զբաղեցնող պայմանագրային զինվորական ծառայության սպայական, ենթասպայական և շարքային կազմերի զինծառայողներին համար հավելավճար սահմանելու, հավելավճարի հաշվարկումն այդ զինծառայողների ատեստավորմամբ պայմանավորելու և դրանով իսկ` արհեստավարժ պայմանագրային զինվորական ծառայության զարգացման համար նախադրյալներ ստեղծելու անհրաժեշտությամբ»,– հայտնեց նախարարը։
Պապիկյանը ասեց, որ առաջին անգամ ատեստավորումը չանցնելուց հետո նոր կարգավորմամբ զինծառայողին կրկնակի ատեստավորման հնարավորություն կտրվի` տարեկան մինչև 2 անգամ։ Արդեն իսկ հավելավճար ստացող զինծառայողները կկարողանան ատեստավորվել 3 տարին մեկ անգամ` հավելավճարի ստացման իրավունքը պահպանելու համար։
Հավելավճարի չափը սահմանվելու է կառավարության որոշմամբ, իսկ հավելավճարի իրավունք ունեցող զինվորական պաշտոնների ցանկը կսահմանվի պաշտպանության նախարարի հրամանով։
ՀՀ վարչապետ Նիկոլ Փաշինյանն էլ շեշտեց, որ հերթական օրենսդրական նախաձեռնությունն ուղղված է զինվորական ծառայության մեջ գտնվող անձանց ու նրանց ընտանիքների բարեկեցության ապահովմանը։ Վարչապետը հիշեցրեց, որ զինծառայողների բնակապահովման խնդրի վերաբերյալ կառավարությունն արդեն մի քանի ծրագրեր է ընդունել։ Այս քայլով փորձում է նաև աշխատավարձի ավելացման հարցը լուծել։
«Մեր պրոֆեսիոնալ բանակի զինծառայողը պիտի չունենա բնակարանի խնդիր, պիտի չունենա հացի խնդիր, եթե շատ պարզ ձևակերպենք` պիտի չունենա ընտանիքի անդամների առողջապահության կարիքների ապահովման և երեխաների ուսումը կազմակերպելու խնդիր։ Այս 4 հիմնասյուների վրա է կառուցված լինելու մեր պրոֆեսիոնալ բանակի հայեցակարգը` սոցիալական երաշխիքների մասով, և այս որոշումը այդ շարքի կարևոր որոշումներից է»,– ասաց Փաշինյանը։
Կառավարության հաշվարկով հավելավճարի սահմանումը 2023 թվականի և հետագա տարիների պետական բյուջեներում առաջացնելու է լրացուցիչ ֆինանսական միջոցների անհրաժեշտություն` տարեկան մինչև 60 մլրդ դրամ:
Քննարկման ավարտին կառավարությունը հաստատեց ՊՆ-ի առաջարկած օրինագծերի փաթեթն, ու այն առաջիկայում կներկայացվի խորհրդարանի դատին։
Sputnik Արմենիա
ПОСЛЕДНИЕ ОТ АВТОРА
-
New2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
New2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
New2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
New2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).