2022-10-14 15:27
Информагентства
0
Իրանցին փորձել է ՀՀ–ով արտերկիր ուղարկել ավելի քան 1 մլն դոլար արժողությամբ թմրամիջոց
«Զվարթնոց» օդանավակայանի «Կարգո» բեռնային համալիրի մաքսային հսկողության գոտում հայտնաբերվել է 4166 գրամ քաշով «մեթամֆետամին» տեսակի թմրամիջոցից պատրաստված 3 տուփ։ Տեղեկությունը հայտնում է ՀՀ ՊԵԿ մամուլի ծառայությունը։
Հաղորդագրությունում նշվում է, որ հիշյալ առաքանին փորձել էր Ավստրալիա ուղարկել Իրանի քաղաքացի Հ. Ս.-ն:
ՊԵԿ մաքսանենգության դեմ պայքարի վարչությունը տեղեկություն էր ստացել, որ տվյալ քաղաքացու փաստացի բնակության վայրում` Երևան քաղաքում գործող հյուրանոցներից մեկի համարում, առկա են թմրամիջոցներ, որոնք վերջինս մտադրվել էր փոստային ծառայության միջոցով ուղարկել երրորդ երկիր:
«Դատարանի որոշման համաձայն` Հ. Ս․-ի փաստացի բնակության վայրում կատարված խուզարկության արդյունքում հայտնաբերվեց մոտ 4 կգ ընդհանուր քաշով նույնանման «մեթամֆետամին» տեսակի թմրամիջոցի պարունակությամբ ևս 3 տուփ»,– ասվում է հաղորդագրությունում:
Իրանի քաղաքացին ձերբակալվել է։
Ավելի ուշ պարզվել է, որ իրանի քաղաքացին օրեր առաջ փոստային ծառայության միջոցով Ավստրիայի Հանրապետություն է ուղարկել նույնանման տուփեր:
ԱՄՆ արդարադատության դեպարտամենտի թմրամիջոցների դեմ պայքարի վարչություն (DEA) աշխատակիցներն Ավստրիայի Հանրապետության իրավապահ մարմինների հետ համատեղ հայտնաբերել են նշված առաքանին, որում եղել է մեթամֆետամին տեսակի թմրամիջոցից պատրաստված 3 տուփ՝ ընդհանուր 4 կգ քաշով:
Առաքանին ստացող քաղաքացին, որը նույնպես Իրանի քաղաքացի է, ձերբակալվել է:
Այս դեպքով, ընդհանուր առմամբ, ՀՀ ՊԵԿ մաքսանենգության դեմ պայքարի վարչության աշխատակիցների կողմից ձեռնարկված միջոցառումների արդյունքում շրջանառությունից դուրս է բերվել ավելի քան 10 կգ քաշով մեթամֆետամին տեսակի թմրամիջոց, որի շուկայական արժեքը գերազանցում է 1 միլիոն դոլարը:
Փաստի առթիվ նախաձեռնվել է քրեական վարույթ՝ թմրամիջոցների, հոգեմետ նյութերի, դրանց համարժեք նյութերի կամ դրանց ածանցյալների մաքսանենգության հատկանիշով։
Sputnik Արմենիա
ПОСЛЕДНИЕ ОТ АВТОРА
-
New2024-09-23 19:32IP-адреса и номера телефонов пользователей Telegram, нарушающих правила мессенджера, могут быть переданы соответствующим органам в ответ на обоснованные запросы, сообщил находящийся под следствием во Франции сооснователь Telegram Павел Дуров.
-
New2024-09-23 19:28Реализация процесса демаркации границы между Арменией и Азербайджаном в условиях отсутствия двусторонних дипломатических отношений недопустима, поскольку таким образом резко возрастает возможность агрессивных действий со стороны Баку в процессе демаркации границы. Об этом говорится в заявлении, распространенном инициативой «Айакве».
-
New2024-09-23 18:01В суде общей юрисдикции Еревана (резиденция – в административном районе Аван) 23 сентября начались основные судебные слушания по делу оппозиционных деятелей, соавторов подкаста «Imnemnimi» Нарека Самсоняна и Вазгена Сагателяна (дело «Imnemnimi»).
-
New2024-09-23 17:57Защитник прав человека Арцаха Гегам Степанян 15-20 сентября находился с рабочим визитом в США.
