2022-10-17 08:42
Информагентства
0
Սաղաթելյան․ Վստահ չեմ, որ ժողովուրդն ամբողջությամբ տեղյակ է, թե ինչ է կատարվում
Եթե դու պատրաստ չես պաշտպանել քո հայրենիքը ու ամեն ինչ անում ես ժողովրդին ու բանակը բարոյալքելու համար, ուրեմն պետք է պատրաստ լինես թշնամուն դիմավորես Երևանում: Այս մասին «Երկիր մեդիա»-ի տաղավարում պատգամավոր Գեղամ Մանուկյանի հետ զրույցում ասել է ՀՅԴ ԳՄ անդամ, ԱԺ «Հայաստան» խմբակցության պատգամավոր Իշխան Սաղաթելյանը:
«Օրվա իշխանության վարած քաղաքականության հետևանքով թուրքը Ջերմուկում է, ինչը չէինք կարող պատկերացնել նույնիսկ մի քանի ամիս առաջ: Այս վտանգը պետք է հասցնենք ժողովրդին ու ժողովուրդը պետք է ոտքի կանգնի, եթե այս օրհասական վիճակում մենք չկարողանանք դա անել, մենք կորցնելու ենք մեր պետականությունը, սա չափազանցություն չէ: Ու Նիկոլը խաղաղության օրակարգով փորձելու է բթացնել հասարակությանը, ասելու է` ճար չկա, հնարավորություն չկա, Արցախը տանք, որ Հայաստանը պահենք, հետո կասեն Սյունիքը տանք, որ Վայոց Ձորը պահենք, Վարդենիսը տանք, որ Կոտայքը պահենք, մինչև Երևան: Սա է իրականությունը: Ես վստահ չեմ, որ ժողովուրդն ամբողջությամբ տեղյակ է, թե ինչ է կատարվում ու ոտքի չի ելնում»,- ասաց նա:
Սաղաթելյանի խոսքով` այս պահին հասարակության մեջ կա լուրջ բանաձև` Արևմուտք, թ Ռուսաստան, սակայն չկա բանավեճ, թե մենք ինքներս ոնց ենք մեզ պաշտպանելու, ու դրանից հետո հասկանանք, թե անվտանգության շահերը որ երկրի հետ են համընկնում և ըստ դրա հարաբերություններ կառուցենք:
«Եթե մենք չենք պաշտպանում մեր հայրենիքը, որևէ մեկը մեր փոխարեն դա չի անելու: Չկա աշխարհում նման պետություն, որի իշխանությունը պատրաստ չէ կազմակերպել իր երկրի պաշտպանությունը, բայց ինչ-որ մեկը դա պետք է իր փոխարեն անի: Նիկոլն իր քաղաքականությամբ բերել, հասցրել է մի իրավիճակի, երբ որ ասում են ընդդիմադիրներին կտանենք բանակ, զորահավաքի ու դրանով սպառնում են, բանակում ծառայելը, հայրենիքը պաշտպանելը դարձրել են պատիժ: Քո զինվորը չի կարող լիարժեք պահպանի սահմանները, երբ որ գիտի` իր թիկունքում դավաճաններ են»,-ասաց նա:
Սաղաթելյանը նշեց, որ Փաշինյանը առաջիկայում հայտարարելու է, որ Ռուսաստանը, Իրանը, Արևմուտքը չեն օգնում, պետք է Արցախը հանձնեն, որ Հայաստանը պահեն. «Մենք պետք է հենց սա կանխենք, և ռեսուրս կա, և դաշնակիցներ կան և բոլոր հնարավորությունները»:
News.am
ПОСЛЕДНИЕ ОТ АВТОРА
-
New2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
New2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
New2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
New2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.