2022-10-17 17:08
Информагентства
Փաստաբան․ Երևանում հղի կնոջը վրաերթի ենթարկելու գործով կարևոր ապացույցներ են թաքցվել
ՀՀ վարչապետ Նիկոլ Փաշինյանի ավտոշարասյան կողմից հղի կնոջ՝ Սոնա Մնացականյանի՝ մահվան ելքով վրաերթի ենթարկելու վերաբերյալ գործով կարևոր ապացույցներ են թաքցվել վարույթն իրականացնող մարմնից։ «Փաստինֆո»-ի հետ զրուցում ասել է տուժողի իրավահաջորդի ներկայացուցիչ, փաստաբան Րաֆֆի Ասլանյանը։
Նրա խոսքով` գործով անցնող միակ մեղադրյալը ՃՈ ծառայող Արամ Նավասարդյանն է, իսկ Փաշինյանի շարասյան ղեկավարի, Փաշինյանին ուղեկցող ԱԱԾ ՊՊԾ պետի տեղակալի գործողություններին կամ անգործությանը որևէ գնահատական այդպես էլ չի տրվել։
«Նախաքննությունն իրականացվել է խիստ սուբյեկտիվ և նախապես որոշված շրջանակներում։ Որպես մեղադրյալ է ներգրավվել միայն վարորդ Արամ Նավասարդյանը, իսկ հատուկ տրանսպորտային միջոցների շարասյան ղեկավարի և շքախմբի պատասխանատու ղեկավարի նկատմամբ հսկող դատախազի կողմից անհիմն ու վաղաժամ որոշում է կայացվել քրեական հետապնդում չհարուցելու մասին, որն իմ կողմից բողոքարկվել է վերադաս դատախազին»,–ասել է նա։
Բացի այդ, վարույթի նյութերով հիմնավորվել է, որ շարասյան ավտոմեքենաներում գործել է ռադիոկապ, որի ձայնագրությունը, ասել են, տեղի չի ունեցել տեխնիկական խոտանի պատճառով։
Նշվում է, որ ռադիոկապի ձայնագրության բովանդակությունը կարևոր նշանակություն ունի ուղեկցումից առաջ և դրա ընթացքում շարասյան արագության համար պատասխանատու անձանց կողմից տրված հանձնարարականների բնույթը հասկանալու, ըստ այդմ՝ նրանց արարքներին պատշաճ քրեաիրավական գնահատական տալու համար։
«Տուժող կողմի մոտ հիմնավոր կասկած կա, որ ռադիոկապի ձայնագրությունները չտրամադրելու հանգամանքը քրեական վարույթի օբյեկտիվ ընթացքը կանխելու նպատակ է հետապնդել։ Ընդ որում, ձայնագրությունները կարևոր են նաև վթարից հետո ՃՈ մեղավոր վարորդի գործողությունները գնահատելու և այդ առումով նրա ու ՃՈ մի շարք այլ ծառայողների ցուցմունքների իսկությունը ստուգելու համար»,– նշել է Ասլանյանը։
Նրա խոսքով` վարույթի նյութերից ակնհայտ է, որ ողջ նախաքննության ընթացքում վարույթն իրականացնող մարմինը կաշկանդվածություն է ցուցաբերել հատկապես ՀՀ պետական պահպանության ծառայության նկատմամբ, ինչն ազդեցություն է ունեցել քննության որակի վրա։
Նշվածի արդյունքում, պատշաճ քրեաիրավական գնահատական չի տրվել շարասյան արագության համար պատասխանատու շքախմբի ղեկավարի, այսինքն՝ ՀՀ ՊՊ ծառայության պետի տեղակալի արարքին։ Ընդ որում, շարասյան արագության համար պատասխանատու է նաև շարասյան ղեկավարը, ով այդ ուղեկցման պահին հանդիսացել է ՀՀ ոստիկանության ՃՈ համապատասխան վաշտի հրամանատարը։ Վերջինի նկատմամբ ևս նույն որոշմամբ քրեական հետապնդում չի հարուցվել։
Sputnik Արմենիա
ПОСЛЕДНИЕ ОТ АВТОРА
-
New2025-04-22 06:13Союз журналистов Армении обратился в Европейскую федерацию журналистов (EFJ) и Международную федерацию журналистов (IFJ) с просьбой осудить препятствование работе корреспондентов в парламенте страны, а также оскорбительные высказывания депутатов в адрес репортеров.
-
New2025-04-22 06:09Очередное заседание "суда" над армянскими пленными, включая военно-политическое руководство Нагорного Карабаха, состоялось в Баку.
-
New2025-04-22 06:03Председатель Конституционного суда Армении Арман Диланян заявил, что Основной Закон Армении не содержит территориальных претензий не только к Азербайджану, но и к какой-либо другой стране.
-
New2025-04-22 06:01Президент Ирана Масуд Пезешкиян заявил, что Тегеран готов к соглашению с США по ядерной проблеме в определенных рамках, которые обеспечивают его национальные интересы, добавив, что он не является ни оптимистом, ни пессимистом по этому поводу.