Վահե Հովհաննիսյան․ Աղետը կարող է տեղի ունենալ մի քանի շաբաթների ընթացքում
Մենք շատ մոտ ենք նրան, որպեսզի դառնանք ՌԴ, Իրանի և Արևմուտքի միջև բախումների էպիկենտրոնը և ժամանակը շատ արագ է մոտենում: Խոսքը մի քանի շաբաթների մասին է: Իրավիճակից պետք է գրագետ դուրս գալ, հակառակ դեպքում կհայտնվենք մեկ այլ լուրջ խնդրի առաջ, որի դեպքում հնարավոր է ոչ մեկի պետք չլինենք, իսկ ՌԴ-ն, Իրանը և Արևմուտքը մեզ ոչ հուսալի գործընկեր կհամարեն: Հոկտեմբերի 17-ին կայացած քննարկման ժամանակ այս մասին ասաց «Այլընտրանքային նախագծեր» խմբի փորձագետ, ԱԺ նախկին պատգամավոր Վահե Հովհաննիսյանը։
«Այդ դեպքում մենք միայնակ կմնանք Ադրբեջանի և Թուրքիայի առջև: Վստահ չեմ, որ Հայաստանի իշխանությունները փակ աշխատասենյակներում այդ հարցերը քննարկում են», – ընդգծեց նա:
Փորձագետը նշեց, որ Հայաստանում իշխանությունը միայն մեկ մարդու հետ է կապված, ով անգամ իր ամենամոտ թիմակիցների հետ չի կիսվում բանակցային գործընթացի նրբություններով:
«Եվ այդ մարդը որոշում է 3 միլիոն մարդու ճակատագիրը, ինչպես նաև ապագա սերունդների: Մենք չգիտենք ինչ և որտեղ է այդ մարդը խոստացել: Հարկավոր է ուժեղացնել ճնշումը, ստիպել, որպեսզի նա պատմի: Դրա համար կա ընդդիմություն, որը պետք է աշխատի պետական ինստիտուտների հետ: Այս արատավոր երևույթը պետք է կոտրել, պետք է մի կողմ թողնել բոլոր վիրավորանքները», –հավելեց Հովհաննիսյանը:
Նա կարծում է, որ նոյմեբերի 9-ից հետո Կովկասում նոր իրողություն է ձևավորվել, պետք է սկսվեր անվտանգության նոր ճարտարապետության կառուցումը:
«Բոլորը դադար են վերցրել և յուրաքանչյուր երկիր, բացի Հայաստանից, ձևակերպել է իր նպատակները: Դրա համար մենք հայտնվել ենք այս իրավիճակում, մյուս երկրների շահերի միջև, որոնցից յուրաքանչյուրը մեզանից ինչ-որ բան է ուզում: Եթե մենք ձևակերպեինք մեր նպատակները, ապա մեր դաշնակիցները մեզ կօգնեին: Նոյեմբերի 9-ից հետո Հայաստանում իշխանափոխությունը կարևոր էր Երևանի նոր դիրքորոշումը տարածաշրջանում նոր ճարտարապետության ձևավորման գործընթացում ներկայացնելու առումով։ Մենք պետք է ձևավորենք մեր հայեցակարգը և գործընկերների հետ հարաբերություններ հաստատենք ելնելով մեր շահերից: Իշխանությունները սակայն ոչինչ չեն անում», –ասաց նախկին պատգամավորը:
Նրա գնահատմամբ՝ Հայաստանում պետք է շտապ նոր հակաճգնաժամային հասարակա-քաղաքական ալիք ձևավորվի, նոր միավոր, ինչը կբարձրացնի ժողովրդի հետ երկխոսության արդյունավետությունը:
«Աղետը կարող է տեղի ունենալ մի քանի շաբաթների ընթացքում, այդ ընթացքում կարող է պատմական որոշում ընդունվել:
Աղետը կայանում է նրանում, որ ադրբեջանական զորքերը կարող են մտնել Հայասատանի տարածք և ոչ մի տեղ գրված չէ, թե որտեղ նրանք կարող են կանգ առնել:
Ինչպե՞ս ենք մենք այդ դեպքում գործելու Հայաստանում հակառուսական տրամադրությունների աճման և մի երկրի հետ ոչ հուսալի հարաբերությունների ֆոնին, որի զինված ուժերը գտնվում են այստեղ: Միակ զսպող գործոնները ՌԴ-ն և Իրանն են: Արևմուտքի գործողությունները սովորաբար տեղի են ունենում աղետից հետո, սակայն դա չի չեղարկում ակտիվ աշխատանքային հարաբերություններիի անհրաժեշտությունը», – եզրափակեց Հովհաննիսյանը:
News.am
ПОСЛЕДНИЕ ОТ АВТОРА
-
2024-06-26 09:04
Те, кто регулярно муссирует слово «суверенитет», должны также четко зафиксировать, что постоянный вызов номер один и опасность не только для суверенитета Армении, но и для ее существования исходит от искусственно созданного Азербайджана. Об этом в своем Telegram-канале написал иранист, заведующий кафедрой востоковедения ЕГУ Вардан Восканян.
-
2024-06-26 09:03
Израиль притесняет христианские церкви, несмотря на поддержку христианских стран в условиях военных действий, сказал Sputnik Армения главный редактор газеты "Израильские армяне", глава Союза израильских армян "Наири" Арам Черноморян.
-
2024-06-26 05:40
Министр обороны США Ллойд Остин во вторник поговорил по телефону с министром обороны России Андреем Белоусовым и обсудил важность открытых линий связи, сообщил во вторник на брифинге пресс-секретарь Пентагона, генерал-майор ВВС Патрик Райдер.
-
2024-06-26 05:34
Депутат Национального собрания Армении Айк Мамиджанян в своем выступлении перед политическим собранием Европейской народной партии в Брюсселе затронул проблему Армена Ашотяна и других политзаключенных, применение полицией 12 июня непропорциональной силы и ряд других вопросов. Об этом он сообщил на своей странице в Facebook.