2022-10-17 18:20
Информагентства
Չի ընդունել իրեն առաջադրված մեղադրանքը. Էրիկ Ալեքսանյանի պաշտպան
Փաստաբան Էրիկ Ալեքսանյանը, որին քիչ առաջ ձերբակալել են, չի ընդունել իրեն առաջադրված մեղադրանքը։ Տեղեկությունը ֆեյսբուքում գրել է փաստաբան Գայանե Պապոյանը, որը ստանձնել է Ալեքսանյանի շահերի պաշտպանությունը։
Այսօր հայտնի դարձավ, որ ԱԱԾ-ն ձերբակալել է փաստաբան Էրիկ Ալեքսանյանին, իսկ Երևան քաղաքի Առաջին ատյանի դատարանի դատավոր Արուսյակ Ալեքսանյանին ձերբակալելու համար էլ իրավապահները դիմել են ԲԴԽ–ին` թույլտվություն ստանալու նպատակով, որից հետո ԲԴԽ–ում այդ հարցով նիստ է գումարվել։ Նշենք, որ մամուլում տեղեկություններ են տարածվել, որ փաստաբանի ու դատավորի մեղադրանքը վերաբերում է «օրենքով գողի» նկատմամբ հարուցված քրեական գործով կաշառք ստանալու հետ։
«Վստահ ենք, որ այս ամենն իշխանությունների պատասխանն է Էրիկ Ալեքսանյանին, քանի որ վերջինս մշտապես աչքի է ընկել սուր քննադատություններով, իրականացրել է պաշտպանություն հնչեղ քաղաքական գործերով, այդ թվում «Մարտի 1-ի» գործով, Արմեն Չարչյանի, Աղվան Հովսեփյանի, Վազգեն Մանուկյանի, Առուշ Առուշանյանի, Արմեն Գևորգյանի և այլոց գործերով։ Էրիկ Ալեքսանյանն այս ամենին վերաբերվում է ժպիտով»,–գրել է նա։
Էրիկ Ալեքսանյանի շահերի պաշտպանությունը ստանձնած փաստաբանը հայտարարել է, որ նախաձեռնված քրեական վարույթը կաշառքի հետ բացարձակ կապ չունի։
Ալեքսանյանի գործընկեր, փաստաբան Ժիրայր Ղարագյոզյանը ևս կարծում է, որ կատարվածը ոչ այլ ինչ է, եթե ոչ քաղաքական հետապնդում։
«Սա հետևանքն է նրա, որ Ալեքսանյանն իր քննադատություններով որոշ անձանց ոտքն է տրորել», –լրագրողների հետ զրույցում ասել է նա։
Ղարագյոզյանը նշեց, որ Ալեքսանյանին ձերբակալել են Երևանի Աջափնյակ և Դավթաշեն վարչական շրջանների ընդհանուր իրավասության դատարանի բակից` բիրտ ուժ կիրառելով։
Նա վստահ է, որ գործընկերն անմեղ է ու այս ամենը նրան լռեցնելու փորձ է, որը չի հաջողելու։
Sputnik Արմենիա
ПОСЛЕДНИЕ ОТ АВТОРА
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.
-
2025-06-07 15:13Кандидат в премьер-министры от фракции Национального собрания «Честь имею» Давид Амбарцумян пишет: