2022-10-18 09:15
Информагентства
Սուրեն ՍԱՐԳՍՅԱՆ․ ԻՆՉՈ՞Ւ ԵՆ ԱՄԵՐԻԿԱՑԻ ԿՈՆԳՐԵՍԱԿԱՆՆԵՐԸ ՀԱՅԱՍՏԱՆ ԳԱԼԻՍ
Պետք չէ լրացուցիչ լիազորություններ վերագրել ամերիկացի կոնգրեսականներին կամ հավելյալ հնարավորություններ դիտարկել նրանց հայաստանյան այցի առթիվ, նրանք սպասարկելու են ԱՄՆ–ի արտաքին քաղաքական գիծը։ Sputnik Արմենիայի հետ զրույցում նման կարծիք հայտնեց քաղաքագետ Սուրեն Սարգսյանը։
Հիշեցնենք՝ այս շաբաթ աշխատանքային այցով Հայաստան կժամանի ԱՄՆ Կոնգրեսի Ներկայացուցիչների պալատի պատվիրակությունը՝ Էնդի Լևին, Ջիմ Կուպերը, Բիլի Լոնգը, Դիանա ԴեՋեթը, Գերի Քոնոլին, Դևիդ Փրայսը, Ջոն Գարամենդին։
«ԱՄՆ–ի Կոնգրեսի Ներկայացուցիչների պալատում կա ձևաչափ, որը կոչվում է Պալատի ժողովրդավարական գործընկերություն, որի շրջանակում էլ համագործակցում են մի շարք պետությունների հետ։ Հետխորհրդային տարածքում նշված ձևաչափով ամերիկյան կողմն աշխատում է Հայաստանի, Վրաստանի, Ուկրաինայի հետ, և առաջին անգամ չէ, որ այդ ձևաչափով ամերիկացի օրենսդիրների պատվիրակություն է ժամանում մեր երկիր»,- նշեց Սարգսյանը։ Նրա խոսքով՝ այս այցն ավելի շուտ պետք է լիներ, բայց այն հետաձգվել է որոշ հանգամանքների, այդ թվում՝ Նենսի Փելոսիի այցի պատճառով, որպեսզի նույն կարճ ժամանակահատվածում Հայաստան երկու պատվիրակություններ չգային։
Ինչ վերաբերում է նրան, թե արդյոք այցը կարելի՞ է դիտարկել հայ-ադրբեջանական հարաբերությունների կարգավորմանն աջակցելու համատեքստում, Սարգսյանն ընդգծեց՝ նրանց օրակարգում դա առաջնահերթ չէ։ Կոնգրեսականների այցի նպատակը ժողովրդավարության զարգացման ուղղությամբ համագործակցությունն է։
«Կոնգրեսականները կարծում են, որ Հայաստանը ժողովրդավարություն կառուցելու, ժողովրդավարական ճանապարհով առաջ գնալու քաղաքականություն է որդեգրել, հետևաբար նրանց այցն առավելապես ՀՀ իշխանությանն իր հանձնառության մեջ խրախուսելու նպատակ ունի, որ մեր երկիրն այդ ուղուց չշեղվի»,- նշեց քաղաքագետը։
Նա նաև չբացառեց, որ կոնգրեսականները հայտարարություններ կանեն, թե Հայաստանը պետք է գնա խաղաղության ճանապարհով, և կարգավորվեն հայ–թուրքական, հայ–ադրբեջանական հարաբերությունները։
Անդրադառնալով ԱՄՆ պետքարտուղարության խոսնակ Նեդ Փրայսի հայտարարությանը, որ Միացյալ Նահանգները առաջնահերթ է համարում Հայաստան–Ադրբեջան հարաբերությունների կարգավորումը, բայց չի խոստանում արդյունք, Սարգսյանն ասաց՝ կարգավորման գործընթացը կարող է ձախողվել, քանի որ քչերը գիտեն, թե երկու երկրների ղեկավարներն ինչ են բանակցում։
«Վաշինգտոնում շատ լավ պատկերացնում են, թե ինչ է տեղի ունենում, ուստի այնտեղ նույնպես չկա վստահություն, որ, այսպես կոչված, «խաղաղության դարաշրջանը» կարող է էֆեկտիվորեն բացվել»,– նշեց Սարգսյանը։
Քաղաքագետն անդրադարձավ նաև Պետքարտուղարության այն հայտարարությանը, որ Միացյալ Նահանգները կողջունի ցանկացած երկրի ջանքերը`ուղղված Երևանի և Բաքվի միջև հարաբերությունների կարգավորմանը, բայց ռուսական կողմից նման ջանքեր իրենք չեն տեսել։ Ուկրաինական ճգնաժամից հետո ՌԴ–ի և ԱՄՆ–ի միջև անմիջական հարաբերություններ չկան, անգամ ընդհանուր քննարկումների «խողովակներն» են բացակայում, այդ թվում՝ Մինսկի խմբի համանախագահների հարթակը։
Սարգսյանի կարծիքով՝ երկուստեք մեղադրանքները շարունակվում են ու կլինեն նաև ապագայում ամենատարբեր առիթներով։ Քանի դեռ կա ուկրաինական ճգնաժամը, և կողմերը գլոբալ աշխարհաքաղաքական խնդիրների շուրջ համաձայնության չեն եկել, բնական է, որ այլ հարցերում ևս ընդհանուր լեզու գտնել չեն կարող։
ПОСЛЕДНИЕ ОТ АВТОРА
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.