Последние новости

Փաստաբանները միջնորդել են կարճել Ռոբերտ Քոչարյանի դեմ հարուցված քրեական գործը

Փաստաբանները միջնորդություն են ներկայացրել ՀՀ նախկին նախագահ Ռոբերտ Քոչարյանի դեմ հարուցված քրեական գործը կարճելու վերաբերյալ:

Ինչպես դատական նիստում հայտնեց փաստաբան Արամ Օրբելյանը, նախկին նախագահը մեղադրվում է Հայաստանի հին քրեական օրենսգրքով, որն ուժի մեջ է մտել 2003 թվականի օգոստոսի 1-ին և ուժը կորցրել է 2022 թվականի հուլիսի 1-ին:

Այսինքն, քրեական հոդվածները, որոնցով մեղադրվում է Քոչարյանը, դադարել են գոյություն ունենալ։ Այն դեպքերում, երբ օրենքի վերացումը դրական է անդրադառնում քաղաքացու վիճակի վրա, այն հետադարձ ուժ է ստանում, այսինքն ՝ տարածվում է նախկինում հարուցված քրեական գործերի վրա։

«Այդ դեպքում պետք է կիրառել Քրեական օրենսգրքի 9-րդ հոդվածը, որով օրենքի վերացումը հետադարձ ուժ է ստանում։ Այսինքն՝ քրեական գործը ենթակա է փակման, իսկ քրեական հետապնդումը ՝ կարճման», – հայտարարեց Օրբելյանը։

Իսկ դատախազության կարծիքով ՝ նոր Քրեական օրենսգրքի կիրառման հիմքեր չկան, քանի որ Քոչարյանին վերագրվող հանցանքի ապաքրեականացում տեղի չի ունեցել, ուստի մեղադրանքը մնում է ուժի մեջ։

Լսելով կողմերին ՝ դատարանը որոշեց պաշտպանության միջնորդությունը քննարկել խորհրդակցական սենյակում։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ