2022-10-20 11:28
Соб.инф.
Հայկ ԴԵՐԶՅԱՆ․ Ի ՊԱՏԱՍԽԱՆ ՖՐԱՆՍԻԱՅՈՒՄ ԲՆԱԿՎՈՂ ՔԱՂԱՔԱԳԵՏ ԿԱՅԾ ՄԻՆԱՍՅԱՆԻ ՀԱՅՏԱՐԱՐՈՒԹՅՈՒՆՆԵՐԻՆ
Ի պատասխան Ֆրանսիայում բնակվող քաղաքագետ Կայծ Մինասյանի հայտարարություններին։ Քաղաքագետը նշում է, որ Հայաստանի, նաև Արցախի իշխանությունները պետք է շեշտը դնեն նրա վրա, որ կարողանան ապացուցել, որ Ադրբեջանը ռասիստ, ֆաշիստ, ահաբեկիչ պետություն է:
Չգիտեմ, թե որքանով է պարոն Մինասյանը տեղյակ, որ աշխարհի տարբեր վեկտորների ընդունարանների մուտքի մոտ dictator control սարքավորում չկա, որ որևէ մեկին թույլ չտան ներս մտնել, կամ պիտակավորել: Ադրբեջանը և Թուրքիան բազմիցս հայտարարել են, որ կարևոր դեր են խաղում և խաղալու Եվրոպայի գազամատակարարման հարցում: Ի՞նչ կարող է տալ այս իրավիճակում Հայաստանը աշխարհին, որպեսզի հակակշռի էներգակիրներին: Պատասխանը կարծում եմ ակնհայտ է: Քաղաքագետը առնվազն չպետք է պոպուլիզմի և սին հույսերի դաշտ մտնի, ինչը ցավոք արել է պարոն Մինասյանը:
Քաղաքագետը հնչեցնում է նաև նման միտք.
«Լևոնից մինչև Սերժ ծախեցին ՀՀ անկախությունը Ռուսաստանին, հիմա մենք պետք է կարողանանք աշխատել բոլոր կողմերի հետ, չպետք է խոսենք աշխարհաքաղաքական ընտրության մասին»:
Ի՞նչ է իրենից ենթադրում այդ արտահայտությունը: Ոչ մի փաստ, բացի անձնական էմոցիոնալ անպատասխանտու խոսքերից:
Եթե խոսքը տնտեսական դաշտին է վերաբերում, ապա Հայաստանը շատ ակտիվ աշխատում էր հյուսիսի և արևմուտքի հետ և բնական է, որ տնտեսական համագործակցության վեկտորը առաջին հերթին կապված է ոչ թե սեփական ցանկությունների, այլ ունեցած հնարավորությունների, աշխարհագրական դիրքի, ներուժի և բազմաթիվ այլ գործոնների առկայությամբ:
Եթե խոսքը ռազմական համագործակցությանն է վերաբերում, ապա Հայաստանը երկար տարիների ընթացքում ստացել է նաև անվճար զինամթերք, իսկ որոշ դեպքերում նաև հասանելի գնով զինտեխնիկա: Ինչ վերաբերում է ռազմական համագործակցության միություններին, ապա որքան էլ մեր ունեցածը մեզ չբավարարի, այլ տեղ մեղրով քսած չէ և ունի իր գինը, որը ժամանակին վճարել են այլ պետություններ: Որպես օրինակ պետք է բերել Վրաստանը, որի ներկայիս իշխանությունները, չնայած իրենց ժողովրդի ունեցած ճնշումներին, խիստ զգուշավոր են ռուս-ուկրաինական կոնֆլիկտում: Սեփական սխալների վրա չսովորելով հանդերձ վատ չէր լինի այլոց սխալները չկրկնել:
Ի հեճուկս Կայծ Մինասյանի, Սերժ Սարգսյանի արտաքին քաղաքականությունն ընդհակառակը, ամրացրել է ՀՀ ինքնիշխանության մակարդակը և հավասարակշռել է Արևմուտքի ու Ռուսաստանի միջև հարաբերությունները: Դրա համար մեծ ջանքեր էին հարկավոր: Կայծի բերած Նիկոլները, որպես ներդրված թշնամական ական` պայթեցրել են հայկական ամրացող պետականությունը և դրանից հետո պատասխանատվությունը բարդել նախկինների վրա, առնվազն լուրջ չէ:
Ընդհանուր առմամբ Ֆրանսիայում բնակվող քաղաքագետի հարցազրույցը ավելի շատ պոպուլիզմի, իշխանության թեզերը առաջ տանելու և սին դասագրքային հույսեր ձևավորելու մասին էր, որը պրակտիկ դաշտում այնքանով է արդյունավետ, որքանով ատամի չոփը գլադիատորական մարտերում:
Հայկ Դերզյան, ֆեյսբուքյան էջ
ПОСЛЕДНИЕ ОТ АВТОРА
-
New2025-06-07 09:13Артем Саркисович Саркисян родился в селе Чартар (Мартунинский район НКАО) в 1926 году. С отличием окончил среднюю школу в 1944 г., а потом в 1950 - физико-математический факультет Азербайджанского государственного университета. Далее последовал рывок в научной карьере.
-
New2025-06-07 08:44«Продолжается опасная эскалация в конфликте вокруг Украины. Мир ждет, каким будет ответ России на нападение на ее стратегические аэропорты, - пишет на своей странице в Фейсбук доктор политологии Артур Хачикян. - После своего разговора с Путиным, Трамп заявил, что ответ будет жестким. Снова взорваны железнодорожные пути на территории России. Ведущий эксперт по международным отношениям Джон Миршаймер вчера заявил, что он видит растущую угрозу ядерной войны.
-
2025-06-05 18:29Однажды будет обнародовано, «дипломаты» каких стран готовили 1 марта, затем эвакуировали с места событий «стрелков» и визжащего из-за убийств на улице Никола, написал на своей странице в ФБ бывший депутат НС, кандидат исторических наук Мигран АКОПЯН. Он уверен, что выяснится также, почему то, что не сработало в 2008 году, получилось в 2018 году… Публикацию полностью приводим ниже.
-
2025-06-05 16:10Со 2 июня по 2 сентября Ардшинбанк проводит акцию «Cashback всем держателям Mastercard» отмечая лето еще одним приятным и полезным сотрудничеством.