2022-10-20 12:35
Информагентства
23 և 10 մլն եվրո. առաջինով ԵՄ–ն կաջակցի Սյունիքի մարզի հետպատերազմյան վերականգնմանը
ԵՄ-ն Հայաստանին 23 մլն եվրոյի ֆինանսական աջակցություն կտրամադրի համավարակին և պատերազմին հաջորդած ժամանակաշրջանում սոցիալ-տնտեսական վերականգնման նպատակով։
Այս մասին այսօր ՀՀ կառավարության նիստում հայտնեց փոխվարչապետ Մհեր Գրիգորյանը` ներկայացնելով դրամաշնորհային համաձայնագրի նախագիծը։
Նրա խոսքով` ԵՄ աջակցության շրջանակներում նախատեսվում է Սյունիքի մարզում զարգացնել ձեռնարկատիրությունը ու ներդրումներ անել։
«Ծրագրի առաջին բաղադրիչի շրջանակներում աջակցություն կտրամադրվի Սյունիքի մարզում ՓՄՁ–ների ստեղծմանը, զարգացմանը և գործող բիզնեսների վերականգնմանը։ Այս բաղադրիչի ներքո շուրջ 1500 միկրո և փոքր ձեռնարկություններ ու ԱՁ–ներ աջակցություն կստանան, առնվազն 200 միկրոձեռնարկություններ կստանան դրամաշնորհներ` բիզնեսի արտադրողականության բարձրացման և ԵՄ շուկա արտահանման խթանման նպատակով»,– ասաց Գրիգորյանը։
Համաձայնագիրը նախատեսում է նաև արոտավայրերի հասանելիությունն ապահովող ու ոռոգման համակարգերի վերականգնմանն ուղղված նախաձեռնությունների ֆինանսավորում։
Բացի այդ համաձայնագրով նախատեսվում է Գյումրիում «կանաչ» խոհարարության ու հյուրընկալության կառավարման դպրոց և ձեռնարկատիրական կենտրոն հիմնադրել, որի համաֆինանսավորողը «Թումո» կենտրոնն է։
Ծրագրով նախատեսված սոցիալական բաղադրիչի ներքով սոցիալ–հոգեբանական աջակցություն կտրամադրվի Արցախից տեղահանվածներին։
ԵՄ մեկ այլ դրամաշնորհային համաձայնագրով նախատեսվում է ևս 10 մլն եվրոյի աջակցություն` ոստիկանության ու միգրացիոն ոլորտի բարեփոխումների, ինչպես նաև մարդու իրավունքների պաշտպանության նպատակով։
Ֆինանսավորումը նախատեսվում է ուղղել ներքին գործերի նախարարության հիմնադրմանը, ոստիկանության բարեփոխումներին, պարեկային ոստիկանության կարողությունների հզորացմանը:
Ծրագրի շահառու մարմիններն են նաև արդարադատության նախարարությունը, մարդու իրավունքների պաշտպանի գրասենյակն ու և Միջազգային իրավական հարցերով ՀՀ ներկայացուցչի գրասենյակը:
ՀՀ-ԵՄ Համապարփակ և ընդլայնված գործընկերության համաձայնագրի շրջանակներում Հայաստանին տրամադրվող վերոհիշյալ երկու ֆինանսական համաձայնագրերը` 10 և 23 մլն եվրոյի չափով, կառավարության նիստում արժանացան գործադրի հավանությանը։
Sputnik Արմենիա
ПОСЛЕДНИЕ ОТ АВТОРА
-
New2025-07-22 14:07Непристойные, уличные выражения заполонили всё медиапространство и общество, и это исходит от политической элиты. Об этом сегодня на пресс-конференции заявил председатель Комитета по защите свободы слова Ашот Меликян, представляя нарушения прав журналистов и СМИ, зафиксированные в Армении во втором квартале этого года, и общую ситуацию.
-
New2025-07-22 14:06По данным IRI, если бы выборы состоялись в ближайшее воскресенье, за правящую партию проголосовали бы всего 17 % избирателей — против 20 % в сентябре прошлого года.
-
New2025-07-22 14:05Почти половина населения Армении — 49 % — уверена, что страна движется в неправильном направлении. Об этом свидетельствуют результаты опроса, проведённого Американским Международным республиканским институтом (IRI) с 16 по 25 июня. Согласно этим данным, лишь 36 % граждан считают, что развитие страны идёт в правильном направлении. Подробности представляет радиостанция «Азатутюн».
-
New2025-07-22 14:04Депутата от оппозиции и бывшего вице-премьера Армении Армена Геворкяна и членов его семьи вызвали в прокуратуру в рамках дела о незаконно нажитом имуществе. Об этом сообщается на сайте официальных объявлений Azdarar.