Էներգետիկ վեճ. ԵՄ-ում սկզբունքային համաձայնություն են ձեռք բերել

ԵՄ-ի երկօրյա գագաթաժողովի մասնակիցները, որը մեկնարկել էր հինգշաբթի Բյուսելում, պայմանավորվել են շարունակել տնային տնտեսությունների և բիզնեսի համար էներգիայի գների աճի զսպման մեխանիզմների որոնման աշխատանքը։ Այս մասին ուրբաթ՝ հոկտեմբերի 21-ի առավոտյան, Թվիթերում գրել է գագաթաժողովում նախագահող՝ Եվրոպական խորհրդի նախագահ Շառլ Միշելը, ավելացնելով, որ «միասնությունը և համերաշխությունը գերակշռել են»։ Էներգետիկ խնդրի քննարկումը շարունակվել է մինչև ուշ գիշեր։

Աշխատանքը կշարունակվի այն առաջարկների հիման վրա, որոնք հրապարակվել էին Եվրահանձնաժողովի (ԵՀ) կողմից այս շաբաթ՝ ավելի վաղ։ Դրանք հանգամանալիորեն քննարկվել են գագաթաժողովում։ Մասնավորապես, ԵՀ-ը առաջարկել է ստեղծել եվրոպական երկրների կողմից գազի գնման միասնական համակարգ և մտցնել հեղուկացված գազի արդարացի գնի հաշվարկի նոր բանաձև, որը հաշվի կառնի Ռուսաստանի խողովակաշարներով գազի մատակարարումների կտրուկ նվազումը։

Եվրամիության երկրների էներգետիկայի նախարարները պայմանավորվել են հանդիպել եկող շաբաթ, որպեսզի շարունակեն այս և հնարավոր այլ միջոցների քննարկումը։ «Շատ աշխատանք կա կատարելու,- ասել է Բելգիայի վարչապետ Ալեքսանդեր դե Կրոոն։- Մենք մտնում ենք նոր, անհայտ տարածք, որտեղ դեռ փորձ չունենք»։

News.am