2022-10-21 19:49
Информагентства
Եվրամիությունը 2023 թվականին Կիևին ամսական 1,5 միլիարդ եվրո կհատկացնի
Եվրամիությունը 2023 թվականին Կիևին ամսական 1,5 միլիարդ եվրո կհատկացնի: Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը՝ ԵՄ առաջնորդների գագաթաժողովից հետո, հայտնում է Reuters լրատվական գործակալությունը։
Նա նշել է, որ ԵՄ-ն այս տարի արդեն 19 միլիարդ եվրո է հատկացրել Ուկրաինային։
«Ուկրաինայի համար շատ կարևոր է կանխատեսելի և կայուն եկամուտների հոսք ունենալը», - ասել է նա՝ հավելելով, որ Կիևն իր ամսական կարիքները գնահատում է 3-ից 4 միլիարդ եվրո:
Ֆոն դեր Լեյենն ասել է, որ ԵՄ-ն ամսական 1,5 միլիարդ եվրո կտրամադրի, իսկ մնացածը ակնկալվում է ստանալ Միացյալ Նահանգներից և միջազգային կազմակերպություններից:
Ուկրաինայի նախագահ Վոլոդիմիր Զելենսկին նախօրեին տեսահոլովակով դիմել է ԵՄ առաջնորդներին՝ ասելով, որ «ռուսական հրթիռներն ու իրանական անօդաչու սարքերը» վնասել են Ուկրաինայի էներգետիկ ենթակառուցվածքի մեկ երրորդը։
Ֆոն դեր Լեյենն ասել է, որ ԵՄ-ն դիտարկում է նաև, թե ինչպես օգնել Ուկրաինային՝ վերականգնելու ջրի և էլեկտրաէներգիայի մատակարարումը:
Զելենսկին ԵՄ-ից խնդրել է հակաօդային և հակահրթիռային պաշտպանության համակարգեր, ինչպես նաև «նոր և ուժեղ» պատժամիջոցներ Ռուսաստանի, ինչպես նաև Իրանի դեմ՝ իբր անօդաչու սարքեր մատակարարելու համար:
Այս առումով ԵՄ-ն արդեն սահմանափակ պատժամիջոցներ է կիրառել Իրանի դեմ, սակայն այժմ, ՌԴ-ի դեմ պատժամիջոցներ կիրառելու հարցում, ԵՄ անդամ պետությունների տեսակետները տարբեր են։
Լեհաստանը և Բալթյան երեք երկրներն առաջարկել են արգելել ռուսական ադամանդի ներմուծումը Ռուսաստանից և դադարեցնել պողպատի առևտուրը, սակայն Բելգիան և Իտալիան դեմ են այդ քայլին:
Հունգարիան հիմնականում դեմ է Ռուսաստանի նկատմամբ պատժամիջոցների կիրառմանը, մինչդեռ Գերմանիան և Ֆրանսիան հայտարարել են, որ ներկայիս միջոցներն արդեն բավական հեռուն են գնացել։
Գագաթաժողովի նախագահ, Եվրոպական խորհրդի նախագահ Շառլ Միշելը հայտարարել է, որ ԵՄ-ն դիտարկում է Մոսկվայի նկատմամբ պատժամիջոցների արդյունքում սառեցված ռուսական ակտիվները՝ Ուկրաինան վերականգնելու համար օգտագործելու հարցը։
Էստոնիայի վարչապետ Կայա Կալլասը նշել է, որ գումարը կազմում է մոտ 300 միլիարդ եվրո, թեև Բեռլինը և այլ պետություններ նախազգուշացրել են, որ ակտիվների իրական բռնագրավումը կարող է անօրինական լինել:
News.am
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.