2022-10-26 11:27
Информагентства
Կաթողիկոսները դեղին քարտ են ցույց տվել իշխանությանը. Մանուկյանը` սփյուռքի համաժողովի մասին
Հոկտեմբերի 28-31-ը Երևանում սպասվող Համաշխարհային հայկական գագաթնաժողովին սփյուռքում ներկայացվածություն ունեցող երկու ավանդական կուսակցություններից Ռամկավար ազատական կուսակցությունը հրավիրվել է, իսկ Հայ Հեղափոխական Դաշնակցությունը` ոչ։
«Մեղք է գագաթաժողով ասելը այդ երևույթին, որովհետև ամեն փայլուն բան ոսկի չէ։ Ուղղակի ձևախեղված է հայրենիք–սփյուռք գաղափարը։ Դաշնակցությունը` որպես հայ իրականության ամենախոշոր ավանդական և ամբողջ աշխարհում որպես հայկական ամենատարածված և հայտնի կազմակերպություն, ուղղակի չի հրավիրվել սփյուռքի համաժողվին։ Սա այս իշխանությունների ավերիչ քաղաքականության շարունակությունն է։ Այս իշխանությունները լուծարեցին սփյուռքի նախարարությունը, խեղաթյուրեցին ընդհանրապես սփյուռքի հետ հարաբերությունների ձևաչափն ու աշխատաձևը»,– Sputnik Արմենիայի հետ զրույցում ասաց ՀՅԴ ԳՄ անդամ Գեղամ Մանուկյանը։
ՀՅԴ–ական գործչի խոսքով` իրենք չեն ցանկանում որևէ պարզաբանում լսել, թե ինչու հրավիրվածների ցուցակում չկան, քանի որ սփյուռքի հարցերով գլխավոր հանձնակատար Զարեհ Սինանյանը բազմիցս իր վերաբերմունքն արտահայտել է Դաշնակցության նկատմամբ։
«Պատահական չէ, որ և՛ Ամենայն հայոց կաթողիկոսը, և՛ Արամ Ա վեհափառը հայտարարել են չմնասնակցելու մասին։ Այդ հայտարարությամբ նրանք զգուշացում և դեղին քարտ են ցույց տալիս, որ այս իշխանությունների գործունեությունը պառակտիչ են»։
Մանուկյանը նշում է` այդ ձևաչափը դեռ չծնված մահացել է. «Իշխանությունն ուզում է իրար գլուխ հավաքել` իմիտացիա ստեղծելով, թե սփյուռքի աջակցությունն ունի»։
Ի տարբերություն Դաշնակցության` Ռամկավար ազատական կուսակցությունը ողջունում է համաժողովի անցկացումը` այն համարելով կարևոր քայլ, որը կմիավորի հայությանը դժվար ժամանակներում։
«Շատ լուրջ մարտահրավերներ կան, ընդհուպ մինչև պետականություն կորցնելու հարցի առաջ ենք կանգնած։ Ինչ ուղերձներ էլ լինեն այդ համաժողովին, դրանք բոլորը պետք է կապված լինեն այդ հարցի հետ, պետականություն կորցնելը կլինի կատաստրոֆա մեր ազգի համար։ Դրա համար առաջին ուղերձը պետք է լինի ժողովրդի, ամբողջ հայության ջանքերի միավորումը»,– ասաց կուսակցության ատենապետ Հրաչյա Կարապետյանը։
Նա ակնկալում է, որ այդ համաժողովում պետք է ընդհանուր ծրագիր մշակվի տնտեսության զարգացման, բանակի հզորացման վերաբերյալ։
«Մենք եկել ենք այն վիճակին, ինչ Ադրբեջանը 30 տարի առաջ էր, երբ ամբողջ աշխարհի առաջ ամենուր լաց էին լինում թե իրենց սպանել են, իրենց հողերը վերցրել են։ Մենք այսօր պետք է միավորվենք, որ այս վիճակից դուրս գանք։ Այսօր սփյուռքն էլ է բազմաշերտ, բազմերանգ ինչպես Հայաստանը, բայց սփյուռքը պետք է հասկանա, որ եթե չլինի Հայաստանի Հանրապետությունը, կարճ ժամանակ անց իրեն էլ կտարրալուծեն»,–ասում է Կարապետյանը։
Նա սխալ է համարում կաթողիկոսների կողմից մասնակցությունից հրաժարվելը, քանի որ եկեղեցին երկար ժամանակ եղել է ժողովրդին միավորող գործոններից մեկը։
«Եկեղեցին չպետք է հրաժարվեր։ Կարելի էր գալ, մասնակցել, առաջարկներ ներկայացնել, ոչ թե նեղացած դիրք ընդունել»։
Իսկ ՀՅԴ–ին չհրավիրելը Ռամկավար ազատական կուսակցության ներկայացուցչի համար անհասկանալի է։
Հիշեցնենք, որ հոկտեմբերի 28-31-ը Երևանում սպասվող Համաշխարհային հայկական գագաթնաժողովին հրավիրված չէ նաև Ռուսաստանի հայերի միության նախագահ Արա Աբրահամյանը։
Մայր աթոռն ու Կիլիկիո կաթողիկոսությունը հայտարարել են, որ չեն մասնակցի Համաշխարհային հայկական գագաթնաժողովին։
Գագաթնաժողովին մասնակցելու է 600 անձ աշխարհի 45 երկրից։ Կազմակերպմանը կուղղվի 309 միլիոն դրամ։
ПОСЛЕДНИЕ ОТ АВТОРА
-
New2025-04-21 14:18«В попытках «сшить» против Армении дело о геноциде т.н. «судебный процесс» в Баку то касается событий в Ходжалу, то аэропорта Гянджи. Заодно там не забывают и о об активных участниках начавшегося с 1988 года Арцахского движения», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
New2025-04-21 13:21Папа Римский Франциск, скончавшийся сегодня, (до избрания – Хорхе Марио Бергольо) родился 17 декабря 1936 г. в Буэнос-Айресе в семье иммигрантов из Италии. По окончании средней школы по специальности «техник-химик» Бергольо решил стать священником-иезуитом (старинный церковный орден, занимающийся миссионерской и христианско-просветительской деятельностью) и в 1958 г. в возрасте 22 лет вступил в новициат.
-
New2025-04-21 13:16Стена памяти мемориального комплекса "Цицернакаберд" дополнится именами Лемкина и дю Фурне, внесших вклад в спасение армян во время Геноцида в Османской империи. Об этом заявила на пресс-конференции директор музея-института Геноцида армян (МИГА) Эдита Гзоян.
-
New2025-04-21 13:09Трудно слышать, как люди говорят о том, чего они не видели, но вы при этом лично пережили. Об этом на заседании Национального Собрания во время обсуждения отчета «О деятельности и состоянии свободы информации в аудиовизуальных медиа за 2024 год» заявил 21 апреля депутат от оппозиционного блока «Армения» Гегам Манукян.