2022-10-28 11:51
Информагентства
Վազգեն Մանուկյան․ Տեղի է ունեցել երեք մեծ փոփոխություն, Հայաստանի առջև նոր խնդիրներ են կանգնած
Մենք մինչև վերջերս ունեինք Հայաստանի արտաքին հարաբերությունների հստակ ճարտարապետությունը, կային դաշնակցային հարաբերություններ Ռուսաստանի հետ, և դա մեզ ոչ մի կերպ չէր խանգարում բարեկամական հարաբերություններ ունենալ ԵՄ-ի և ԱՄՆ-ի, Չինաստանի և Իրանի հետ։ Այս մասին Երևանում «Լազարյան ակումբի» «Ռուս-հայկական հարաբերությունների պատմական անցյալը և ներկան» թեմայով նիստում, հոկտեմբերի 28-ին ասել է Հայաստանի առաջին վարչապետ, պաշտպանության նախկին նախարար Վազգեն Մանուկյանը։
Նա հիշեցրել է, որ իննսունականների սկզբին Հայաստանը բանակցություններ էր վարում Թուրքիայի հետ այն մասին, որպեսզի բացի ճանապարհները և այլն։ Նրա գնահատմամբ՝ հիմա ամեն բան փոխվել է, փոխվել է ոչ միայն Հայաստանի պատճառով։
Տեղի է ունեցել երեք խոշոր փոփոխություն։
«Մենք անտաղանդորեն տանուլ տվեցինք պատերազմը, սկսվեցին Ռուսաստանի, Թուրքիայի և Ադրբեջանի մերձեցումը և խոշոր դիմակայությունը Ռուսաստանի և Եվրոպայի միջև։ Դա մեր առջև նոր խնդիրներ է դնում։ Որպեսզի խոսենք դաշնակիցների հետ, պետք է հստակ դրված խնդիրներ ունենանք»,- նշել է նա։
Նրա կարծիքով՝ Հայաստանի առջև դրված են հետևյալ խնդիրները՝ Արցախի հարցը, անվտանգության հարցը, հիմնականում անվտանգությունը պետք է ապահովվի սեփական ուժերով, այսինքն՝ սա մեր բանակի վերականգնման հարցն է։
«Ես կարծում եմ, որ հիմա խաղաղության պայմանագիր ստորագրել ատրճանակի փողի ներքո՝ պարզապես իմաստ չունի։ Բացի այդ, կա տարածքների հարցը։ Անկլավների հարցն առհասարակ դիտարկելը հիմարություն է, քանի որ խորհրդային ժամանակ մտածվել էին այդպիսի մեխանիզմներ, որպեսզի մեկ ազգին պահեն մյուսի դեմ։ Կա նաև Սյունիքի հարցը, միջանցքի հարցը։ Ես ոչ միայն դեմ եմ միջանցքին, այլև դեմ եմ Նախիջևանից Ադրբեջան Հայաստանով ճանապարհի բացմանը։ Հայաստանը լրիվ շրջափակման մեջ է, և բոլոր ճանապարհները պետք է բացվեն միաժամանակ, ընդ որում՝ յուրաքանչյուր ճանապարհ պետք է լինի այն պետության ինքնիշխան ճանապարհը, որով անցնում է։ Եթե մենք ունենանք խնդրի հստակ առաջադրումը, թե ինչ ենք ուզում, այդ դեպքում կարելի է նաև հասկանալ, թե ինչով կարող են մեզ օգնել մեր ռուս բարեկամները, և որն է դիրքորոշումների միջև տարբերությունը»,- ընդգծել է Մանուկյանը։
News.am
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).