Последние новости

Պեսկով․ Եթե Պուտինի, Փաշինյանի և Ալիևի հանդիպման արդյունքում փաստաթուղթ լինի, կտեղեկացնենք

Եթե Ռուսաստանի, Հայաստանի և Ադրբեջանի ղեկավարներ Վլադիմիր Պուտինի, Նիկոլ Փաշինյանի և Իլհամ Ալիևի հանդիպման արդյունքում փաստաթղթեր ստորագրվեն, Կրեմլը կտեղեկացնի։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, հայտնում է ՌԻԱ Նովոստին։

«Մենք ձեզ կտեղեկացնենք, եթե համաձայնեցվեն փաստաթղթերը», - ասել է Պեսկովը։

Արդեն հաղորդել ենք, որ Ռուսաստանի, Հայաստանի և Ադրբեջանի ղեկավարներն այսօր եռակողմ հանդիպում կանցկացնեն Սոչիում։

Մինչ եռակողմ հանդիպումը այս պահին Սոչիում ընթանում է Պուտին–Փաշինյան երկկողմ հանդիպումը։

Փաշինյանի հետ աշխատանքային այցով Ռուսաստանի Դաշնություն են մեկնել նաև ՀՀ փոխվարչապետ Մհեր Գրիգորյանը, ՀՀ անվտանգության խորհրդի քարտուղար Արմեն Գրիգորյանը, ՀՀ արտաքին գործերի նախարար Արարատ Միրզոյանը և այլ պաշտոնյաներ։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ