2022-11-01 19:30
Информагентства
Քաղաքագետ․ Երևանն ու Բաքուն կշարունակեն հաշվի նստել Մոսկվայի հետ
Հայաստանի վարչապետի և Ռուսաստանի և Ադրբեջանի նախագահների վերջին եռակողմ հայտարարության մեջ նշված կետերը, ըստ էության, 2020 և 2021 թվականներին ստորագրված և հնչեցված եռակողմ հայտարարությունների շարունակությունն են։ Այս մասին NEWS.am-ի թղթակցի հետ զրույցում ասել է քաղաքագետ Ալեքսանդր Մարկարովը։
Սա, ըստ քաղաքագետի, ցույց է տալիս, որ բանակցային գործընթացը հիմնված է համապատասխան դրույթների վրա, որոնք դեռ չեն ստացել իրենց ամբողջական լուծումը։ Դա և հայ գերիների հայրենադարձման, և տրանսպորտային հաղորդակցությունների ապաշրջափակման, և տխրահռչակ «Զանգեզուրի միջանցքի» խնդիրն է։
«Այսինքն՝ մենք տեսնում ենք, որ կողմերը պատրաստ են շարունակել բանակցային գործընթացը, մասնավորապես՝ ապաշրջափակման և համապատասխան տրանսպորտային հաղորդակցությունների հարցերի շուրջ»,- պարզաբանել է Մարկարովը։
Այդուհանդերձ, ինչպես նշեց փորձագետը, Ղարաբաղի մասին որևէ հիշատակման բացակայությունը չափազանց բացասաբար է ընկալվում Հայաստանի ընդդիմության կողմից:
«Բնական է, որ նրանք դա ընկալում են որպես բացասական երևույթ։ Իշխանությունները ամեն կերպ փորձում են ցույց տալ, որ բանակցային գործընթացը, այնուամենայնիվ, շարունակվելու է»,- նկատեց քաղաքագետը։
Նա նաև մեջբերեց ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինի խոսքը, ով կոչ արեց Ղարաբաղի հարցի լուծումը թողնել հաջորդ սերունդներին: Փորձագետի խոսքով՝ խոսքը կարող է լինել առնվազն 25 տարվա մասին։
«Այսինքն՝ եթե այս ամենի միջով անցնենք, կտեսնենք բանակցային գործընթացի շարունակությունը։ Ընդ որում, հիմք են հանդիսանալու այն փաստաթղթերը, որոնք ավելի վաղ ընդունվել են, ինչպես նաև խաղաղ տարածաշրջան ունենալու ցանկությունն ու պատրաստակամությունը։ Այնուամենայնիվ, խաղաղություն պետք է հաստատվի՝ ի հեճուկս Ադրբեջանի կողմից պատրաստակամության բացակայության»,- ասել է Մարկարովը՝ հավելելով, որ գործընթացում ներգրավված են նաև ռուս խորհրդարանականները։
Փորձագետը համոզված է, որ կողմերը՝ ի դեմս Երևանի և Բաքվի, կշարունակեն հաշվի առնել Մոսկվայի դիրքորոշումը, ինչպես նաև դերը բանակցային գործընթացում, չնայած մեկ այլ՝ եվրոպական հարթակի առկայությանը։ Ըստ էության, նրանք շարունակելու են հաշվի նստել Կրեմլի հետ։
ПОСЛЕДНИЕ ОТ АВТОРА
-
New2025-04-23 12:52Несколько недель назад правительства Армении и Азербайджана объявили, что завершили текст мирного договора. Но хотя это заявление было быстро встречено международными наблюдателями и широко освещалось как прорыв, более пристальный взгляд открывает более сложную и тревожную картину, пишет Modern Diplomacy.
-
New2025-04-23 12:42В Музее-Институте Геноцида армян хранятся несколько Книг почетных гостей с тысячами записей высокопоставленных лиц из разных стран мира. Sputnik Армения представляет некоторые из них, взятые из Книги, приуроченной к 100-летней годовщине.
-
New2025-04-23 12:38Факельное шествие, организуемое в преддверии 110-ой годовщины Геноцида армян, начнется 23 апреля в 19:15 с Площади Республики Ереванв. Об этом говорится в сообщении, распространенном офисом по связям с общественностью Верховного органа АРФ Дашнакцутюн Армении.
-
New2025-04-23 12:37Министры иностранных дел Великобритании, Франции, Германии и Украины после отказа госсекретаря США Марко Рубио ехать в Лондон отложили запланированную на среду встречу по Украине. Об этом сообщил телеканал Sky News.