Последние новости

Սաղաթելյան․ Նոյեմբերի 5-ի հանրահավաքը Արցախի կողքին կանգնելու նպատակ է հետապնդում (ՏԵՍԱՆՅՈՒԹ)

ՀՅԴ Հայաստանի Գերագույն մարմնի ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը «5-րդ ալիք» հեռուստաընկերության «Հարցազրույց» հաղորդաշարի եթերում նշել է, որ նոյեմբերի 5-ի հանրահավաքը Արցախի կողքին կանգնելու ու բողոքի ձայն բարձրացնելու նպատակ է հետապնդում: Միաժամանակ պատգամավորը շեշտել է, որ օրակարգում լինելու է գործող իշխանություններին հեռացնելու կետը, ինչը դժվար է, բայց ոչ անհնար:

 


«Մեկ անգամ ևս առիթից օգտվելով, բոլորին հրավիրում եմ հանրահավաքի: Մենք որևէ ամբիցիա չունենք՝ բացառությամբ պատասխանատվությունից: Ունենք նպատակ՝ փրկել մեր երկիրը ստեղծված իրավիճակից և օր առաջ հեռացնել այս իշխանություններին: Բոլոր նրանք, ովքեր կարող են օգտակար լինել այս երկու կարևոր պրոցեսներին՝ պատրաստ ենք իրենց հետ լիարժեք և ամբողջապես համագործակցել: Մենք մեր բաժին կռիվը մինչև վերջ տալու ենք: Մինչև վերջին շունչ, անելու ենք մեզնից կախված ամեն ինչ: Ես իմ որդու, ծնողների աչքերին նայելուց չեմ ամաչելու. իմ բաժին կռիվը մինչև վերջ տալու եմ: Իմ կուսակցությունը, իմ գործընկերները, բազմաթիվ ազգային ուժեր այսօր կանգնած են այդ պատասխանատվության բեռը վերցրած: Ամեն ինչ պետք է անենք, որ հաջողենք»,- ասել է Իշխան Սաղաթելյանը:

Yerevan Today

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ