2022-11-04 16:41
Информагентства
44-օրյա պատերազմից հետո ծնելիության հետ կապված իրավիճակը կտրուկ վատացել է
Ըստ կանխատեսումների՝ գալիք տարի կծնվի մոտ 36 000 երեխա՝ այս տարվա 37 000-ի դիմաց։ Այս մասին այսօր՝ նոյեմբերի 4-ին, ԱԺ մշտական հանձնաժողովների համատեղ նիստում 2023 թվականի պետբյուջեի նախագծի քննարկման ժամանակ ասաց աշխատանքի և սոցիալական հարցերի նախարար Նարեկ Մկրտչյանը։
Նրա խոսքով՝ կանխատեսումն արվել է՝ հաշվի առնելով 44-օրյա պատերազմի հետևանքները։
«Համաշխարհային փորձը ցույց է տալիս, որ մարտական գործողությունների ավարտից հետո, որպես կանոն, ծնելիության աճ է գրանցվում, որին անխուսափելիորեն հաջորդում է անկումը»,-ասաց նախարարը։
Այդ կապակցությամբ Մկրտչյանը նշեց ծնելիության խթանման մի շարք ծրագրերի իրականացման կարևորությունը, այդ թվում՝ հասանելի կացարան, ծննդյան նպաստ երեխայի ծնվելու հետ կապված, երեխային պահելու համար ամենամսյա վճարներ։
«Ռազմավարության մշակումից հետո մենք կոնկրետ ծրագիր և քաղաքականություն կներկայացնենք»,-ասաց Մկրտչյանը։
Իր հերթին, փոխնախարար Դավիթ Խաչատրյանը հայտնեց, որ կացության ապահովման ծրագրի շնորհիվ հաջողվել է մեծացնել երրորդ և չորրորդ երեխայի ծնելիության թիվը։ Նա նաև նշեց, որ 2021 թվականի առաջին կիսամյակում ծնելիության աճը կազմել է 8-9 տոկոս։ «Այնուամենայնիվ, տարեկան ցուցանիշը ընդամենը 0,4 տոկոս է։ Այսինքն՝ պատերազմից հետո ծնելիության հետ կապված իրավիճակը կտրուկ վատացել է»,-նկատեց Խաչատրյանը։
News.am
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.