Последние новости

Տոկաևը նշել է թյուրքական պետությունների միջև տրանսպորտային միջանցքների զարգացման անհրաժեշտության մասին

Ներկայիս աշխարհաքաղաքական և աշխարհատնտեսական հակասությունները բացասական ազդեցություն են գործում Եվրասիայում։ Մենք պետք է համերաշխություն ցուցաբերենք բոլոր մարտահրավերներին և սպառնալիքներին համատեղ դիմակայելու համար։ Այս մասին ասել է Ղազախստանի նախագահ Կասիմ-Ժոմարտ Տոկաևը՝ ելույթ ունենալով Սամարղանդում, Թյուրքական պետությունների կազմակերպության գագաթաժողովում։

«Մեր պետությունները կապում են Արևմուտքը և Արևելքը, Հյուսիսը և Հարավը։ Ուստի ներկա անցումային շրջանում կարևոր նշանակություն են ստանում տրանսպորտային-տարանցման պոտենցիալի բարձրացումը և դրանց հնարավորությունների առավելագույն օգտագործումը։ Վառ օրինակ է Տրանսկասպյան միջազգային տրանսպորտային երթուղին, որն անցնում է երեք եղբայրական պետությունների՝ Ղազախստանի, Ադրբեջանի, Թուրքիայի տարածքով։ Ուստի, մենք առաջնահերթ ենք համարում տրանսպորտային-լոգիստիկ ճյուղի զարգացումը։ Դրա զարգացման համար Ղազախստանը միայն վերջին 15 տարիներին 35 մլրդ դոլար է հատկացրել։ Մեր երկիրը հետաքրքրված է տրանսպորտային երթուղիների ավելացմամբ և լոգիստիկայի զարգացմամբ»,- նշել է Տոկաևը։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ