Последние новости

Թեհրանում Ադրբեջանի դեսպանին բողոքի նոտա են հղել

Թեհրանում Ադրբեջանի դեսպան Ալի Ալիզադեն կանչվել է Իրանի ԱԳՆ, որտեղ նրան բողոքի նոտա են հղել՝ կապված Իրանի Իսլամական Հանրապետության տարածքում Ադրբեջանի քաղաքացիների հանցավոր գործողությունների հետ։ Այս մասին հայտարարել է Իրանի ԱԳՆ պաշտոնական ներկայացուցիչ Նասեր Քանանին։

Նրա խոսքով՝ Ադրբեջանի դեսպանին ներկայացվել են փաստեր և ապացույցներ՝ Իրանի տարածքում Ադրբեջանի մի շարք քաղաքացիների հանցավոր գործողությունների հետ կապված։

Ավելի վաղ Ադրբեջանի նախագահ Իլհամ Ալիևը հայտարարել էր Իրանի կողմից Հայաստանին սատարելու մասին, ինչպես նաև մի շարք հայտարարություններ էր արել իրանական բանակի զորավարժությունների կապակցությամբ, ինչից հետո հաղորդվել էր, որ Թեհրանում ադրբեջանական դիվանագիտական առաքելության ղեկավար Ալի Ալիզադեն կանչվել է ԻԻՀ ԱԳՆ՝ Բաքվի պաշտոնյաների ոչ բարեկամական հռետորաբանության պատճառով:

Դրան հետևեց հայելային պատասխանը` Ադրբեջանում Իրանի դեսպան Սեիդ Աբաս Մուսավին կանչվեց այդ երկրի ԱԳՆ:

Ըստ հաղորդումների` իրանցի դիվանագետին դժգոհություն և մտահոգություն են հայտնել «Իրանի հակաադրբեջանական քարոզչության, զրպարտչական արշավի և Իրանի բարձրաստիճան քաղաքական և ռազմական գործիչների սպառնալից հռետորաբանության վերաբերյալ»:

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ