2022-11-14 20:08
Информагентства
5000 կմ ճանապարհ, 12 երկիր, 3 լիալուսին. ինչպես նորվեգացիները հեծանվով Օսլոյից հասան Երևան
Նորվեգացի ամուսիններ` 68–ամյա Լայֆ Կագենը և 51–ամյա Հայդի Քվամմենը հեծանվով 75 օր շարունակ Օսլոյից եկել են Երևան`անցնելու նորվեգացի բևեռախույզ, գիտնական Ֆրիտյոֆ Նանսենի հետքերով։ Տարին հոբելյանական է` լրանում է Նանսենի` խաղաղության Նոբելյան մրցանակ ստանալու և «Նանսենյան անձնագրերի» ստեղծման 100-ամյակը։
«Նման ճանապարհորդության գաղափարը ծնվեց Նանսենի կատարած աշխատանքի նկատմամբ իմ մեծ հիացմունքի շնորհիվ։ Ինձ նաև անակնկալի է բերել այն հանգամանքը, որ Նանսենի թանգարան Նորվեգիայում չկա, բայց այն առկա է Հայաստանում` Երևանում։ Մենք այս ուղևորությունից հետո աշխարհին կպատմենք Նանսենի կատարած աշխատանքի և Երևանի մասին, ինչպես նաև այն մասին, որ անգամ 100 տարի անց Նանսենը հերոս է այս երկրում»,– նշեց Լայֆ Կագենը։
Նրա կինը` Հայդի Քվամմենն էլ ընդգծեց, որ ճանապարհորդության ընթացքում իրականացրել են 2 մեծ նպատակ` ցանկանում էին վայելել այս արկածային ճանապարհորդության ամեն վայրկյանը և Նանսենի թանգարան հասնել ցուրտ ձմեռվանից առաջ։ Ամուսինները ճանապարհորդությունը սկսել են սեպտեմբերի 1-ից, ճանապարհին անցկացրել 75 օր։ Այս ընթացքում փոխել են 27 անիվ, եղել 12 երկրում (Նորվեգիա, Շվեդիա, Լիտվա, Լատվիա, Լեհաստան, Սլովակիա, Հունգարիա, Ռումինիա, Բուլղարիա, Թուրքիա, Վրաստան և Հայաստան), 3 ժամային գոտում, կտրել են 5000 կմ, 3 անգամ վայելել լիալուսինը։
Ասում են` ճանապարհին հանդիպել են շատ հյուրընկալ և հետաքրքիր քաղաքացիների և ցանկացած անելանելի թվացող իրավիճակում օգնություն ստացել։
Նշենք, որ Ֆրիտյոֆ Նանսենը 1924 թվականին զբաղվել է Հայոց ցեղասպանության պատճառով փախստական դարձած հայերի հարցերով։ Նա օգնել է գաղթականներին և բազմահազար հայ փախստականներ ստացել են «Նանսենյան անձնագրեր», ինչը մասամբ թեթևացրել է նրանց դրությունը։ Հայ գաղթականներին Խորհրդային Հայաստան վերադարձնելու համար 1925 թվականին Նանսենն իր ստեղծած հայրենադարձության հանձնաժողովով ժամանել է Երևան, եղել հանրապետության տարբեր շրջաններում։
Սրանից շուրջ 100 տարի հետո հեծանվով Հայաստան հասած զույգը որոշել է ամբողջ ձմեռ մնալ Հայաստանում և լինել «նանսենյան» վայրերում` Արմավիրում, Գյումրիում, Սպիտակում, Ստեփանավանում, Վանաձորում, այնտեղից էլ ուղևորվելու են Դիլիջան, Սևան։
Sputnik Արմենիա
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».