2022-11-17 13:51
Информагентства
Հայաստանի մասնակցությամբ Զարգացման ինստիտուտների եվրասիական կոնսորցիում կստեղծվի
Առաջիկայում Հայաստանի մասնակցությամբ Զարգացման ինստիտուտների եվրասիական կոնսորցիում կստեղծվի։ Համապատասխան առաջարկով հանդես է եկել Եվրասիական տնտեսական հանձնաժողովի կոլեգիան։ «ԵԱՏՄ երկրների տնտեսական անվտանգությունն ու կայունությունը. Պետության և բիզնեսի հնարավորությունները» թեմայով միջազգային համաժողովի ընթացքում տեղեկությունը հայտնեց ՌԴ Ռազմավարական նախաձեռնությունների գործակալության գլխավոր տնօրենի խորհրդական Անտոն Մոսկալենկովը։
«Կոնսորցիումի առանցքային խնդիրը կլինի նախագծերի, ֆլագմանների և ինտեգրման խորհրդանիշների որոնումը, որոնք կհովանավորվեն Եվրասիական զարգացման բանկի, ազգային բանկերի կողմից», – ասաց նա։
Մոսկալենկովի խոսքով` ընթացիկ տարվա աշխարհաքաղաքական իրադարձությունները ցույց են տալիս, որ ՌԴ–ի և հարակից պետությունների տնտեսության սթրես–թեստերը քիչ թե շատ կայուն են անցնում։ Մասնավորապես կայունացել են փոխարժեքներն ու գնաճը ինչպես Ռուսաստանում, այնպես էլ ԵԱՏՄ և ԱՊՀ երկրներում։
«Սակայն մեր երկրներում կայուն աճի համար շատ քիչ հնարավորություններ կան», – ասել է նա։
Այդ պատճառով գործակալությունն աջակցել է կոնսորցիում ստեղծելու վերաբերյալ ԵՏՀ–ի կոլեգիայի առաջարկին։ Մոսկալենկովը նշեց, որ աճի նոր հնարավորություններ գտնելու համար նախկին ներդրումային պարադիգմով զարգանալը բավարար չէ։
Ինչ վերաբերում է եվրասիական ինտեգրմանը, ապա, մասնագետի խոսքով, չնայած կարճ ժամկետին, այն կայացել է։ Այժմ մաքսային ինտեգրման նոր ձևերին անցնելու և կադրերի վերապատրաստման աշխատանքներ են ընթանում։
Այդ առիթով Հայաստանը՝ որպես ոչ շատ մեծ տնտեսություն ունեցող երկիր, բարձր ռիսկերի է բախվում կադրերի ցածր որակավորման պատճառով։
Մոսկալենկովի խոսքով` լուրջ ներդրումներ ներգրավելու համար անհրաժեշտ է լուծել այդ խնդիրը։ Ռուսաստանը, որն արդեն հաղթահարել է դա, պատրաստ է օգնել։
Հիմա քննարկվում է նաև Հայաստանում հանրապետական միության գործընկերների հետ իրավասությունների զարգացման կենտրոնի ստեղծման հարցը։
Sputnik Արմենիա
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.