2022-11-21 16:05
Информагентства
0
Հայ և իրանցի դիվանագետները Թեհրանում քննարկել են հարաբերությունների ընդլայնման հեռանկարները
Հայաստանի փոխարտգործնախարար Մնացական Սաֆարյանը նախօրեի երեկոյան Թեհրանում բանակցություններ է վարել Իրանի արտաքին գործերի նախարար Հոսեյն Ամիր Աբդոլահիանի հետ։ Նրանք քննարկել են երկկողմ և տարածաշրջանային հարցեր, տեղեկացրել է Mehr գործակալությունը։
Սաֆարյանը բարձր է գնահատել Իրանի սկզբունքային և կառուցողական դիրքորոշումը տարածաշրջանի երկրների ինքնիշխանության և միջազգային սահմանների անփոփոխելիության նկատմամբ։
Մեկնաբանելով Իրանի արտաքին գործերի նախարարի վերջերս Հայաստան կատարած այցը և Կապանում ԻԻՀ-ի գլխավոր հյուպատոսության բացումը՝ Սաֆարյանն այդ իրադարձություններն անվանել է բեկումնային պահ երկու երկրների միջև հարաբերությունների համար։
Նշելով Իրանի և Հայաստանի միջև երկկողմ տնտեսական հարաբերությունների ընդլայնման առկա պոտենցիալը՝ փոխնախարարն ընդգծել է ձեռք բերված պայմանավորվածությունների կատարման վերահսկողության և դրանց իրականացման ջանքերի անհրաժեշտությունը։
Իրանի արտաքին գործերի նախարարն, իր հերթին, գոհունակություն է հայտնել բարեկամական երկու երկրների միջև հարաբերությունների զարգացման առիթով։
Նա նաև Կապանում ԻԻՀ-ի գլխավոր հյուպատոսության բացումը գնահատել է որպես գործնական և կարևոր քայլ ապրանքաշրջանառության ծավալի ավելացման և տնտեսական կապերի զարգացման համար։
News.am
ПОСЛЕДНИЕ ОТ АВТОРА
-
2024-11-21 19:39Глава дипломатии ЕС Жозеп Боррель в ходе пресс-конференции в четверг отреагировал на новость о выдаче ордера Междунардного уголовного суда (МУС) на арест премьер-министра Израиля Биньямина Нетаньяху и экс-министра обороны страны Йоава Галанта.
-
2024-11-21 19:37Министерство обороны Армении опубликовало концепцию реформирования Вооруженных сил РА, предусматривающей, в частности, сокращение до 2027 года срока обязательной воинской службы.
-
2024-11-21 19:36Глава МИД Турции Хакан Фидан призвал Армению и Азербайджан не упускать "историческую возможность" для мира.
-
2024-11-21 19:02Создание общего рынка газа ЕАЭС может быть сдвинуто на 2030 год или на неопределенный срок. Об этом в эксклюзивном интервью DW рассказал министр энергетики и инфраструктуры Евразийской экономической комиссии (ЕЭК) Арзыбек Кожошев.