2022-11-22 09:11
Информагентства
ՌԴ ԱԳՆ․ Արևմուտքը Կիևին քարտ-բլանշ է տվել Զապորոժիեի ատոմակայանը հրետակոծելու համար
Արևմտյան երկրները Կիևին քարտ–բլանշ են տվել Զապորոժիեի ատոմակայանին անդառնալի վնաս հասցնելու անմիտ փորձերը շարունակելու համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Կիևի անպատասխանատու գործողություններին հատկապես ցինիզմ է հաղորդում այն, որ դրանք եղան անմիջապես Վիեննայում ՄԱԳԱՏԷ–ի կառավարիչների խորհրդի նստաշրջանից հետո։ Նիստին քննարկվում էր Ուկրաինայում միջուկային օբյեկտների շուրջ ստեղծված իրավիճակի վերաբերյալ հարցը։ Ֆինլանդիան և Կանադան այս նիստին նվիրեցին հերթական հակառուսական բանաձևի նախագծի հանրայնացումը։ Փաստաթղթում որևէ խոսք չկա իրական վտանգի աղբյուրի` Ուկրաինայի մասին, որը տևական ժամանակ է նպատակադրված և մոլագար ձևով ոչնչացնում է Եվրոպայի խոշորագույն ԱԷԿ–ի ենթակառուցվածքը։ Արևմտյան հովանավորներն այդպիսով հերթական անգամ ցույց տվեցին սեփական երկերեսանիությունը, իրենք Կիևի հանցակիցներ են, հանցագործություններ, որոնց արդարացում գոյություն չունի», – հայտարարել է Զախարովան ՌԴ ԱԳՆ պաշտոնական կայքում հրապարակված մեկնաբանության մեջ։
Ըստ նրա` արևմտյան համակարգողների անսահման աջակցությունից ոգեշնչված Ուկրաինայի իշխանություններին կարծես այլևս ոչինչ չի զսպում, նույնիսկ ատոմակայանում ՄԱԳԱՏԷ–ի ներկայացուցիչների ներկայությունը, որոնց կյանքը նրանք ևս պատրաստ են մահացու վտանգի ենթարկել։
ՄԱԳԱՏԷ–ն պետք է պատասխանատու դիրք զբաղեցնի և հստակ մատնանշի նրանց, ովքեր գրոհում են Զապորոժիեի ԱԷԿ–ը, Ռուսաստանն այդ առիթով իր մոտ առկա բոլոր տեղեկությունները փոխանցել է։ Զախարովան նշել է, որ Ռուսաստանը խնդրել է անհապաղ տեղեկացնել գործակալության անդամ պետություններին, միջազգային հանրությունը պետք է իմանա, թե ով է կանգնած հարձակումների հետևում։
«Համոզված ենք, որ գործակալության ղեկավարությունը նման աննախադեպ հանգամանքներում պետք է պատասխանատու դիրք զբաղեցնի։ Որպես հեղինակավոր և անկախ միջազգային մարմին անհրաժեշտ է վերջապես վերջ տալ ԶԱԷԿ-ի հրետակոծությունները դադարեցնելու վերաբերյալ վերացական դատապարտումներից և առանց հասցեական մատնանշման պահանջներից», – հավելել է ՌԴ ԱԳՆ պաշտոնական ներկայացուցիչը։
Զախարովայի խոսքով` ժամանակն է իրերն իրենց անուններով կոչել, այլապես ուկրաինացի ազգայնականներին կանգնեցնել չի լինի։
«Դրա համար վճռականություն և պատասխանատվություն է հարկավոր։ Հույս ունենք, որ դրանք կցուցաբերվեն», – եզրափակել է նա։
ՌԴ ՊՆ-ն հայտնել էր, որ Ուկրաինայի զորքը շաբաթ և կիրակի օրերին խոշոր տրամաչափի ավելի քան 20 հրետանային արկ է արձակել ԶԱԷԿ–ի տարածքի, ինչպես նաև կայանը սնուցող ԷՀԳ–ի ուղղությամբ, ատոմակայանում ռադիացիոն իրավիճակը շարունակում է մնալ նորմայի սահմաններում։
Sputnik Արմենիա
ПОСЛЕДНИЕ ОТ АВТОРА
-
New2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
New2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
New2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
New2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).