Նոր ատոմակայանի մոտավոր արժեքը մինչև տարեվերջ կորոշվի
Հայաստանում կառուցվելիք նոր ատոմակայանի մոտավոր արժեքը կորոշվի մինչև 2022 թվականի ավարտը։ ՏեղեկությունըՍոչիում «Ատոմէքսպո-2022» միջազգային համաժողով-ցուցահանդեսի շրջանակում լրագրողներին հայտնեց Մեծամորի ԱԷԿ-ի գլխավոր տնօրեն Էդուարդ Մարտիրոսյանը։
Հաշվարկն իրականացնում է «Rusatom Energy Projects» ընկերությունը (ընդգրկված է «Ռոսատոմի» կազմում) հայկական կողմի փոխանցած տվյալների հիման վրա։ Այդ տվյալները շատ մոտավոր կլինեն, բայց կծառայեն որպես ելակետ հետագա տեխնիկատնտեսական հիմնավորման համար: Վերջնական տեխնիկատնտեսական հիմնավորումը պետք է պատրաստ լինի ամենաուշը 2025 թվականի վերջին, որից հետո նախատեսվում է սկսել կայանի կառուցումը։
Մարտիրոսյանն ընդգծեց, որ նոր ԱԷԿ-ը կարող է մինչև հարյուր տարի ծառայել, քանի որ ՋՋԷՌ ռեակտորների ներկայիս սերունդը, որը ստեղծում է «Ռոսատոմը», նախատեսված է 60 տարվա համար՝ ևս 40 տարով երկարաձգելու հնարավորությամբ:
«Սա ապագա սերունդների համար իրականացվող նախագիծ է, և այն պետք է հիմա սկսել, քանի որ եթե նույնիսկ շինարարության պայմանագիրը 2024 թվականին պատրաստ լինի, կառուցումը10-12 տարի կտևի»,– ասաց նա։
Գլխավոր տնօրենի խոսքով` նոր ԱԷԿ-ը շատ կարևոր է Հայաստանի էներգահամակարգի համար, բայց ցանկալի է, որ 50 տոկոսից ավել տեղ չգրավի այդ համակարգում: Ցանկացած երկրի էներգահամակարգին դիվերսիֆիկացիա է անհրաժեշտ. եթե մի կայանը, օրինակ, վերանորոգման մեջ է, այն պետք է փոխարինել այլ հզորություններով։
Նշենք, որ Հայաստանի իշխանությունն ավելի վաղ նոր էներգաբլոկի (ըստ էության՝ նոր ատոմակայանի) համար 600 մեգավատտանոց տարբերակ էր դիտարկում, սակայն այժմ կանգ են առել 1000-1200 ՄՎտ հզորությամբ նախագծի վրա։ Հզորության երկու տարբերակների համար էլ դիտարկվում են ՋՋԷՌ-ի նշված նախագծերը:
Իշխանության սահմանած ծրագրի համաձայն՝ նոր կայանը պետք է շահագործման հանձնվի մինչև 2036 թվականը (սա 1980 թվականից գործող էներգաբլոկի փակման հավանական ժամկետն է):
Sputnik Արմենիա
ПОСЛЕДНИЕ ОТ АВТОРА
-
2024-04-30 19:31
В пригороде Парижа Арнувиле 28 апреля состоялось мероприятие, посвященное памяти невинных жертв Геноцида армян, передает Alfanews.am.
-
2024-04-30 19:30
Президент Грузии Саломе Зурабишвили является предателем страны, которая напрямую предает национальные интересы Грузии, заявил премьер-министр Грузии Ираклий Кобахидзе. Его слова приводит Sputnik Грузия, передает Aysor.am.
-
2024-04-30 19:27
Работы по разминированию на участке Беркабера завершены, работы по делимитации и демаркации - пока нет. Об этом "ФактИнфо" сообщил глава общины Беркабер Тавушской области Армении Тигран Арутюнян, отметив, что сегодня никакой работы не ведется.
-
2024-04-30 19:26
Кризис в армяно-российских отношениях неприемлем, проблемы, безусловно, есть, но их нужно решать. Об этом заявил экс-замминистра иностранных дел Армении Авет Адонц, передает Verelq.am.