2022-11-25 15:32
Информагентства
Ստոլտենբերգը հայտարարել է Ուկրաինայի համար ձմռան «սարսափելի սկզբի» մասին
ՆԱՏՕ-ի գլխավոր քարտուղար Յենս Ստոլտենբերգը հայտարարել է Ուկրաինայի համար ձմռան «սարսափելի սկզբի» մասին՝ ափսոսանք հայտնելով, որ «սրանք դժվար ժամանակներ են նաև մնացած Եվրոպայի և ամբողջ աշխարհի համար»՝ հաշվի առնելով էներգիայի և պարենային ապրանքների գների աճը:
Նա խոստովանել է, որ «մենք բոլորս վճարում ենք» Ուկրաինայի պատերազմի համար։ Դաշինքի գլխավոր քարտուղարը մխիթարությունը տեսել է նրանում, որ եթե ՆԱՏՕ-ի անդամները դրա համար վճարում են փողով, ապա ուկրաինացիները «վճարում են արյամբ»։
Չնայած դրան՝ Ստոլտենբերգը փաստացի բացառել է ճգնաժամը դիվանագիտական ճանապարհով լուծելու հնարավորությունը։
«Եթե մենք թույլ տանք, որ Պուտինը հաղթի, մենք բոլորս դեռ երկար տարիներ շատ ավելի բարձր գին կվճարենք: Եթե Պուտինը և մյուս ավտորիտար առաջնորդները տեսնեն, որ ուժը պարգևատրվում է, նրանք կրկին ուժ կկիրառեն իրենց նպատակներին հասնելու համար։ Այդպիսով մեր աշխարհն ավելի վտանգավոր կդառնա։ Ուստի մեր շահերից է բխում Ուկրաինային աջակցելը», - ասել է նա՝ հավելելով, որ «մենք պետք է հիշենք՝ ինչի պատճառով է այս պատերազմը»։
«Այն, ինչ կատարվում է բանակցությունների սեղանի շուրջ կախված է նրանից, թե ինչ է կատարվում մարտի դաշտում։ Հետևաբար խաղաղ լուծման հնարավորությունը մեծացնելու լավագույն միջոցը Ուկրաինային աջակցելն է», - ասել է նա՝ հասկացնելով, որ ՆԱՏՕ-ն կշարունակի Ուկրաինային զինել այնքան, որքան կպահանջվի։
«Ավելի երկարատև հեռանկարում մենք Ուկրաինային կօգնենք խորհրդային սարքավորումներից անցնել ժամանակակից ստանդարտներին։ Մենք կհանդիպենք ԱԳ նախարար Դմիտրի Կուլեբայի հետ՝ Ուկրաինայի ամենակարևոր պահանջները և մեր երկարատև աջակցությունը քննարկելու համար», - նշել է նա։
Ստոլտենբերգը հայտարարել է Բոսնիա և Հերցեգովինայի, Վրաստանի և Մոլդովայի արտաքին գործերի նախարարների հետ ծրագրված հանդիպումների մասին։ «Մեր երեք գործընկերները տարբեր կերպ են բախվում Ռուսաստանի ճնշմանը։ Ուստի մեր հանդիպման ժամանակ մենք քայլեր կձեռնարկենք ՝ օգնելու նրանց պաշտպանել իրենց անկախությունը և ամրապնդել իրենց պաշտպանվելու կարողությունը»,- ասել է նա:
News.am
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).