2022-11-28 18:33
Информагентства
Շարունակում է չափազանց լարված մնալ. Միրզոյանը` տարածաշրջանային իրավիճակի մասին
Շարունակում է չափազանց լարված մնալ, «Արմենպրես» լրատվական գործակալության հետ հարցազրույցում հայտնել է ՀՀ արտգործնախարար Արարատ Միրզոյանը` գնահատելով տարածաշրջանում առկա իրավիճակը։
«Մենք ցավով ենք արձանագրում, որ չնայած տարբեր ուղղություններով ընթացող բանակցություններին՝ Ադրբեջանի կողմից չեն դադարում առավելապաշտական և ռազմատենչ հայտարարությունները, հայկական կողմին ուղղված անհիմն մեղադրանքները և ուժի գործադրման սպառնալիքները»,– ասել է նախարարը։
Նա նաև հիշեցրել է, որ ադրբեջանական զինված ուժերը շարունակում են գտնվել ՀՀ ինքնիշխան տարածքում, պարբերաբար Ադրբեջանի կողմից ռազմական սադրիչ գործողություններ են տեղի ունենում։
ՀՀ արտաքին քաղաքական գերատեսչության ղեկավարի կարծիքով` միջազգային բոլոր գործընկերները պետք է հավելյալ ջանքեր գործադրեն՝ զսպելու Ադրբեջանի նկրտումները։
Նախարար Միրզոյանն ընդգծել է, որ հայկական կողմն իր հերթին պատրաստ է բոլոր ջանքերը ներդնել՝ փոխընդունելի լուծումներ գտնելու և տարածաշրջանում երկարատև ու կայուն խաղաղություն հաստատելու համար:
Նա հիշեցրել է, որ Հայաստանը միակողմանիորեն Ադրբեջանին է փոխանցել ականապատ դաշտերի առկա բոլոր քարտեզները, թեպետ նման հանձնառություն չի ունեցել ոչ եռակողմ պայմանավորվածությունների, ոչ էլ միջազգային իրավունքի շրջանակներում։
«Ավելին, պատրաստակամություն ենք հայտնել միջազգային գործընկերների հետ համագործակցաբար աջակցել փոխանցված քարտեզների վերծանմանը»,– հավելել է նախարարը։
Անդրադառնալով Ադրբեջանի այն հրապարակումներին, թե Լեռնային Ղարաբաղում հայկական կողմը հայկական արտադրության ականներ է տեղադրել, նախարարը նշել է, որ ցուցադրված ականներն ադրբեջանական կողմը հայտնաբերել է ոչ թե ԼՂ-ում, այլ իր կողմից 2021-22թթ. օկուպացրած ՀՀ ինքնիշխան տարածքներում ու հիմա փորձում է դրանք օգտագործել քարոզչական նպատակներով:
«Մենք չենք հերքում, որ ՀՀ ԶՈւ-ն Հայաստանի ինքնիշխան տարածքում իրականացնում է ականապատման աշխատանքներ, և դա պայմանավորված է Ադրբեջանի կողմից ռազմական նոր ագրեսիաների իրականացման մշտապես բարձր ռիսկի հետ, ինչի ականատեսն ենք եղել ինչպես 2021թ․ մայիսին և նոյեմբերին, այնպես էլ 2022թ․ սեպտեմբերին»,– հայտնել է Միրզոյանը։
Նախարարը հերքել է նաև Ադրբեջանի այն մեղադրանքները, որ Լեռնային Ղարաբաղում շարունակում են տեղակայված մնալ ՀՀ ԶՈւ ստորաբաժանումներ։ Արարատ Միրզոյանը տեղեկացրել է, որ վարչապետ Փաշինյանն անգամ առաջարկել է միջազգային փաստահավաք առաքելություն գործուղել Լեռնային Ղարաբաղ՝ փաստը ստուգելու համար, ինչը մերժվել է Ադրբեջանի նախագահ Ալիևի կողմից։
Sputnik Արմենիա
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.