2022-12-01 09:25
Информагентства
0
Թուրքիայում մի շարք երկրների դեսպանություններ նախազգուշացրել են անվտանգության սպառնալիքների մասին
Առնվազն երկու արևմտյան դեսպանություններ նախազգուշացումներ են ստացել Անկարայում անվտանգության նոր սպառնալիքների մասին, իսկ Սերբիան նախազգուշացրել է իր քաղաքացիներին չմեկնել երկիր Ստամբուլի կենտրոնում տեղի ունեցած պայթյունից երկու շաբաթ անց:
Արևմտաեվրոպական երեք դեսպանություններ և մեկ խոշոր միջազգային կազմակերպություն Reuters-ին հայտնել են, որ թուրքական իշխանությունները իրենց զգուշացրել են հնարավոր սպառնալիքների մասին՝ խնդրելով չհրապարակել իրենց անունը՝ ելնելով հարցի զգայունությունից:
Reuters-ի փոխանցմամբ՝ խոշոր կազմակերպությունը աշխատակիցներին ուղղված նամակում ընդգծել է առևտրի կենտրոններում, ավտոբուսի կայարաններում և օդանավակայաններում ռիսկերը՝ կապված զինյալների կողմից պատասխան հարձակումների հնարավորության հետ:
Թուրքիայի պաշտպանության և ներքին գործերի նախարարությունները հրաժարվել են մեկնաբանել նախազգուշացումները։
Մինչդեռ, սերբական Tanjug լրատվական գործակալությունը մեջբերել է երկրի արտգործնախարար Իվիցա Դաչիչի խոսքերը, որը հայտարարել է, որ երկրի քաղաքացիները պետք է խուսափեն առաջիկա շաբաթներին Թուրքիա և հատկապես Անկարա մեկնելուց՝ հնարավոր հարձակումների պատճառով։
«Ուզում եմ քաղաքացիներին զգուշացնել, որ անվտանգության մարմինների տվյալների համաձայն՝ ահաբեկչություններ կարող են սպասվել մոտակա մի քանի շաբաթների ընթացքում, և այս դեպքում այդ տեղեկատվությունը վերաբերում է Թուրքիայի մայրաքաղաք Անկարային»,- ասել է Դաչիչը Tanjug-ի համար հայտարարության մեջ։
Նախազգուշացումը կարող է վերաբերել նաև Թուրքիայի այլ շրջաններին, ասել է Դաչիչը և նախազգուշացրել Սերբիայի քաղաքացիներին չմեկնել երկիր առանց խիստ անհրաժեշտության: «Եթե մեր քաղաքացիներն արդեն այնտեղ են, ապա պետք է խուսափեն մարդաշատ վայրերից, ինչպիսիք են հետիոտնային գոտիները, մետրոն, ավտոբուսի ու երկաթուղային կայարանները և նման այլ վայրերը»,- ասել է նա:
News.am
ПОСЛЕДНИЕ ОТ АВТОРА
-
2024-11-11 19:4910 ноября в Брюсселе прошла акция в поддержку прав человека, социальной справедливости и борьбы с изменением климата. Целью акции было осуждение выбора Азербайджана в качестве места проведения конференции по климату COP29 из-за колоссальных результатов в области нарушения прав человека.
-
2024-11-11 19:47Вице-президент Ирана Шин Ансари отправился в Азербайджан для участия в заседании ООН по вопросам изменения климата. Об этом говорится в сообщении Корпуса стражей исламской революции.
-
2024-11-11 19:45Нарек Малян, известный по делу «Чаушеску», был оправдан судом первой инстанции еще в 2023 году. Об этом написал на своей странице в Facebook адвокат Тигран Атанесян.
-
2024-11-11 19:44Российская платежная система «Мир» в понедельник была официально подключена к иранской Shetab, теперь граждане Ирана смогут снимать средства со своих карт в российских банкоматах в рублях, передает иранское информационное агентство Tasnim.