Последние новости
2022-12-01 11:16

Պենտագոնի ղեկավար․ ԱՄՆ-ն կտրականապես դեմ Է Սիրիայում Թուրքիայի նոր գործողությանը

0
Telegram

Ամերիկայի Միացյալ Նահանգները կտրականապես դեմ է Սիրիայում Թուրքիայի նոր ռազմական գործողությանը։ Այս մասին Պենտագոնի ղեկավար Լլոյդ Օսթինը հայտարարել Է Թուրքիայի պաշտպանության նախարար Հուլուսի Աքարի հետ հեռախոսազրույցի ընթացքում։

«Նա նաև մտահոգություն է հայտնել Սիրիայի հյուսիսում ռազմական գործողությունների սրման կապակցությամբ, ներառյալ վերջին ավիահարվածները, որոնցից մի քանիսն ուղղակիորեն սպառնացել են ամերիկյան անձնակազմի անվտանգությանը, որը Սիրիայում տեղական գործընկերների հետ աշխատում է ԻՊ-ի ջախջախման ուղղությամբ», - ասված է հաղորդագրության մեջ, որը հրապարակվել է ԱՄՆ–ի պաշտպանության նախարարության կայքում:

Պենտագոնի ղեկավարը ապաէսկալացիայի կոչ է արել կողմերին։

Նա նաև ցավակցություն է հայտնել Ստամբուլում տեղի ունեցած պայթյունի հետևանքով մարդկանց մահվան կապակցությամբ, ինչպես նաև հաստատել է ԱՄՆ-ի և Թուրքիայի միջև ռազմավարական հարաբերությունների կարևորությունը:

Հիշեցնենք, որ Թուրքիան նոյեմբերի 20-ից օդային գործողություն է իրականացնում Սիրիայի հյուսիսում քրդական կազմավորումների դեմ։ Թուրքիայի նախագահ Ռեջեփ Թայիփ Էրդողանն այդ գործողությունները չի բացառել, որ դրանց կհետևի նաև ցամաքային գործողությունը:

*ԻՊ–ն («Իսլամական պետություն») ահաբեկչական կազմակերպություն է, որն արգելված է Ռուսաստանում և մի շարք այլ երկրներում ։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ