2022-12-02 10:30
Информагентства
Ջո Բայդենն ու Էմանուել Մակրոնը համատեղ հայտարարությամբ են հանդես եկել
ԱՄՆ-ի և Ֆրանսիայի նախագահներ Ջո Բայդենը և Էմանուել Մակրոնը Սպիտակ տանը կայացած երկկողմ հանդիպման արդյունքներով համատեղ հայտարարություն են տարածել։
Նրանք «վճռականորեն դատապարտել են Ուկրաինայի դեմ Ռուսաստանի անօրինական ագրեսիվ պատերազմը և ընդգծել, որ խաղաղ բնակչությանը և քաղաքացիական ենթակառուցվածքներին միտումնավոր հարվածներ հասցնելը ռազմական հանցագործություն է, և մեղավորները պետք է պատասխանատվության ենթարկվեն»:
«Միացյալ Նահանգները և Ֆրանսիան դատապարտում են Ռուսաստանի միտումնավոր էսկալացիոն քայլերը, հատկապես նրա անպատասխանատու միջուկային հռետորաբանությունը և ապատեղեկատվությունը ենթադրյալ քիմիական հարձակումների, ինչպես նաև կենսաբանական ու միջուկային զենքի ծրագրերի վերաբերյալ: Նրանք հաստատում են իրենց անսասան աջակցությունը Ուկրաինայի ինքնիշխանության և տարածքային ամբողջականության պաշտպանությանը, ներառյալ Ուկրաինային քաղաքական օգնություն, անվտանգության ոլորտում օգնություն, հումանիտար և տնտեսական օգնություն տրամադրելը այնքան ժամանակ, որքան անհրաժեշտ է»,- ասվում է հայտարարության մեջ:
Երկու առաջնորդները նաև «շարադրել են ամբողջ աշխարհում անվտանգության և բարգավաճման ամրապնդման, կլիմայի փոփոխության դեմ պայքարի, դրա հետևանքներին դիմացկունության բարձրացման և ժողովրդավարական արժեքներն առաջ մղելու ընդհանուր տեսլականը»:
«Այս տեսլականը հիմնված է այն ընդհանուր համոզմունքի վրա, որ Միացյալ Նահանգները և նրա եվրոպական դաշնակիցներն ու գործընկերները կարող են ավելի լավ հաղթահարել մեր ամենալուրջ խնդիրները և միասին օգուտ քաղել մեր ամենախոստումնալից հնարավորություններից: Սա ներառում է այնպիսի գլոբալ մարտահրավերների լուծում, ինչպիսիք են կլիմայի փոփոխությունը և էներգետիկ անցումը, տեխնոլոգիաների մեջ ներդրումները և արժեքային կայուն շղթաների ստեղծումն այնպիսի ռազմավարական ոլորտներում, ինչպիսիք են առողջապահությունը, կիսահաղորդիչներն ու կարևոր օգտակար հանածոները, ինչպես նաև անվտանգության և պաշտպանության ոլորտում մեր համագործակցության ամրապնդումը»,- ասվում է հայտարարության մեջ:
News.am
ПОСЛЕДНИЕ ОТ АВТОРА
-
2025-07-26 14:32Несмотря на то, что власти подавляли митинги и акции народа Арцаха угрозами и шантажом применения силы, ситуация не изменилась, заявил депутат Национального собрания Армении Тигран Абрамян.
-
2025-07-26 14:31Представитель МИД Армении Ани Бадалян обвинила армянскую службу «Радио Свобода» в распространении дезинформации о дороге, проходящей через Сюник, и её возможной передаче под контроль США. Она отметила, что ложные тезисы были опубликованы параллельно с материалами российского телеканала «Россия сегодня».
-
2025-07-26 14:29После ремонта газопровода, с 13:40 субботы возобновлена подача газа в Армению. Об этом сообщает "Газпром Армения".
-
2025-07-26 14:27Новоназначенный заместитель директора по сбыту компании «Электросети Армении» (ЭСА), директор по обслуживанию электроснабжения Еревана Арман Смбатян получил должность благодаря тому, что катался на велосипеде с премьер-министром Николом Пашиняном и сблизился с ним, пишет газета «Грапарак».