2022-12-02 18:07
Информагентства
Մոլդովայի ԱԳՆ․ ՌԴ ԶՈՒ անօրինական ներկայությունը շարունակում է խախտել Մոլդովայի ինքնիշխանությունն ու չեզոքությունը
Ռուսաստանի զինված ուժերի անօրինական ներկայությունը շարունակում է խախտել Մոլդովայի Հանրապետության ինքնիշխանությունն ու չեզոքությունը։ Այս մասին հայտարարել է Մոլդովայի Հանրապետության ԱԳ նախարար Նիկու Պոպեսկուն, հայտնում է ՄՕԼԴՊՐԵՍ-ը՝ վկայակոչելով երկրի Արտաքին գործերի և եվրոպական ինտեգրման նախարարություն մամուլի ծառայությանը։
Նա նշել է, որ Ուկրաինայի դեմ Ռուսաստանի դաժան պատերազմը սպառնում է Եվրոպայում խաղաղությանը, անվտանգությանն ու բարգավաճմանը և հանդիսանում է միջազգային իրավունքի, Հելսինկյան եզրափակիչ ակտի և ՄԱԿ-ի կանոնադրության կոպտագույն խախտում։
«Մեր երկիրը համերաշխ է Ուկրաինայի հետ ազատության համար նրա պայքարում։ Մենք շարունակում ենք աջակցել Ուկրաինայի անկախությանը, ինքնիշխանությանը և տարածքային ամբողջականությանը՝ նրա միջազգայնորեն ճանաչված սահմաններում։ Մենք կշարունակենք աջակցել Մոլդովայի Հանրապետությունում բնակվող ավելի քան 80 հազար ուկրաինացի փախստականներին և կտրամադրենք անհրաժեշտ մարդասիրական օգնություն»,- ասել է արտգործնախարար Նիկու Պոպեսկուն։
Փոխվարչապետը ներկայացրել է Մերձդնեստրի հակամարտության կարգավորման գործընթացի վերջին զարգացումները՝ խորը մտահոգություն հայտնելով Մերձդնեստրի տարածաշրջանում մարդու իրավունքների մշտական խախտումների կապակցությամբ։
«Մենք վճռական ենք տրամադրված հակամարտությունը բացառապես երկխոսության և խաղաղ միջոցներով կարգավորելու հարցում՝ Մոլդովայի ինքնիշխանության և տարածքային ամբողջականության հիման վրա։ Ռուսաստանի զինված ուժերի անօրինական ներկայությունը շարունակում է խախտել Մոլդովայի Հանրապետության ինքնիշխանությունն ու չեզոքությունը։ Մոլդովայի Հանրապետության տարածքից ռուսական զորքերի և զինամթերքի ամբողջական և անվերապահ դուրս բերումը պարտադիր է՝ համաձայն 1999 թվականի Ստամուլի գագաթաժողովում ԵԱՀԿ պարտավորությունների, ՄԱԿ Գլխավոր Ասամբլեամի 2018 թվականի 72/282 Բանաձևի», — ասել է նա։
News.am
ПОСЛЕДНИЕ ОТ АВТОРА
-
New2025-06-12 19:45Иранские СМИ опубликовали первую серию документов, полученных от израильского режима.
-
New2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
New2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
New2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.