2022-12-02 18:08
Информагентства
Մեկնարկել է համաժողով ԵԱՏՄ-ի և Չինաստանի միջև համագործակցությունը խորացնելու տեսլականով
Մեկնարկել է Ժամանակակից Չինաստանի և Եվրասիայի եվրասիական հետազոտությունների չորրորդ երկօրյա համաժողովը։ «Արմենպրես»-ի հաղորդմամբ ՝ համաժողովն անցկացվում է «Չինաստան-Եվրասիա» քաղաքական և ռազմավարական հետազոտությունների խորհուրդ» հիմնադրամի կողմից և Հայաստանում Չինաստանի Ժողովրդական Հանրապետության դեսպանության աջակցությամբ։
Հայաստանում Չինաստանի Ժողովրդական Հանրապետության արտակարգ և լիազորդեսպան Ֆան Յոնգը նշեց, որ համաժողովի անցկացումը մեծ ձեռքբերում է. համաժողովը կենտրոնանում է շատ կարևոր հարցերի վրա, ինչպիսիք են եվրասիական երկրների և Չինաստանի միջև հարաբերությունները և դրանց կարևորությունը:
«Չինաստանը մեծ դեր է խաղում միջազգային համակարգում բարեփոխումներ իրականացնելու գործում: Մենք պատրաստ ենք անել մեզանից կախված ամեն ինչ մարդկության լավագույն ապագան կառուցելու համար: Չինաստանի և Եվրասիայի եվրասիական հետազոտությունների համաժողովն արդեն չորրորդ անգամ հաջողությամբ անցկացվում է՝ նպաստելով նոր գաղափարների և լուծումների ստեղծմանը: Այն լավ հնարավորություն է ինչպես Չինաստանի և Հայաստանի միջև հարաբերությունների ամրապնդման, այնպես էլ Չինաստանի և Եվրասիական տնտեսական միության հարաբերությունների շուրջ տարբեր հարցեր քննարկելու համար: Ես հույս ունեմ, որ տարբեր երկրների գիտնականներ և քաղաքական գործիչներ կօգտագործեն այս հնարավորությունը և կկիսվեն իրենց մտքերով ու գաղափարներով»,- ասաց դեսպանը:
«Չինաստան-Եվրասիա» քաղաքական և ռազմավարական հետազոտությունների խորհրդի տնօրեն Մհեր Սահակյանը նշեց, որ համաժողովին մասնակցում են գիտնականներ, քաղաքական գործիչներ, դիվանագետներ և բիզնեսի ներկայացուցիչներ աշխարհի 31 երկրներից: Համաժողովի ընթացքում ելույթ կունենա 62 գիտնական և դիվանագետ: Նրանց մի մասը ներկա է, մյուս մասը համաժողովին կմիանա տեսակապի միջոցով: Համաժողովի միջոցով այս երկու օրերի ընթացքում շատերի ուշադրությունը ուղղված է լինելու Հայաստանի վրա»,- ասաց նա:
Մհեր Սահակյանը ընդգծեց, որ Եվրասիական տնտեսական միությունը և Չինաստանը 2018 թվականին կնքել են պայմանագիր, որը հնարավորություն է ընձեռում ԵԱՏՄ երկրներին ամրապնդել քաղաքական, տնտեսական հարաբերությունները Չինաստանի հետ:
Եվրասիական տնտեսական հանձնաժողովի ինտեգրման զարգացման վարչության տնօրեն Գոհար Բարսեղյանն ընդգծեց, որ Եվրասիական տնտեսական միությունը և Չինաստանը այժմ աշխարհաքաղաքական մեծ դեր ունեն:
«Եվրասիական տնտեսական միությունը համարվում է ամենակարևոր ինտեգրացիոն նախագիծը Եվրասիայում, իսկ Չինաստանի հետ հարաբերությունները պահանջում են ավելի մեծ ուշադրություն քաղաքական գործիչների, դեսպանների, գիտնականների և բիզնեսի ներկայացուցիչների կողմից»,-ասաց Գոհար Բարսեղյանը:
Համաժողովի երկրորդ օրը տեղի կունենա «Չինաստան-Եվրասիա» քաղաքական և ռազմավարական հետազոտությունների խորհրդի տնօրեն Մհեր Սահակյանի հեղինակած «Ժամանակակից Չինաստանի արտաքին քաղաքականության հիմնահարցեր» դասընթացի ուսումնամեթոդական ձեռնարկի շնորհանդեսը։
ПОСЛЕДНИЕ ОТ АВТОРА
-
New2025-06-09 13:28Пакистан продает Азербайджану 40 истребителей четвертого поколения JF-17 Thunder, что является крупным военным шагом, который, несомненно, расстроит соседнюю Армению, пишет Forbes.
-
New2025-06-09 12:41Председатель Комитета государственных доходов Армении Эдуард Акопян на совместных заседаниях постоянных парламентских комиссий во время обсуждения отчета «Об исполнении Государственного бюджета Республики Армения в 2024 году» объяснил, почему Зангезурский медно-молибденовый комбинат не попал в список 1000 крупнейших налогоплательщиков республики в первом квартале 2025 года.
-
New2025-06-09 12:40Президента Арцаха Самвела Шахраманяна снова вызвали в Следственный комитет(СК). В данный момент Шахраманян находится в здании СК, где проходит его допрос.
-
New2025-06-09 12:38Таможенные органы в Армении в 2024 году собрали примерно на 15% меньше налогов и пошлин. Об этом заявил в парламенте председатель Комитета госдоходов Армении Эдуард Акопян на обсуждении отчета о выполнении госбюджета за прошлый год.