Երևանում «Հայ-ռուսական երկխոսության» հարթակ բացվեց քաղաքացիական հասարակության համար
Երևանում բացվեց Հայաստանի և Ռուսաստանի մտավորականության ներկայացուցիչների հիմնած «Հայ–ռուսական երկխոսության» հարթակը, որի նպատակն է զարգացնել երկու երկրների քաղաքացիական հասարակությունների միջև հարաբերությունները։
Հայկական կողմից համահիմնադիրը կրթության, գիտության, մշակույթի և սպորտի փոխնախարար Արա Խզմալյանն է, ռուսական կողմից` Ռուսաստանի Դաշնության նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը։
Ռուսական կողմի համահիմնադիրը, ելույթ ունենալով բացման արարողությանը, նշեց, որ Հայաստանն ու Ռուսաստանը համագործակցում են բոլոր հարթակներում` նախարարությունների, տարբեր համաժողովների և այլ մակարդակներով, սակայն քաղաքացիական հասարակության երկխոսությանն ուղղված հարթակ մինչ օրս չի եղել։
«Կարևոր է, որ քաղաքացիական հասարակությունը սկսի այդ երկխոսությունը։ Երկու կողմերն էլ հարցեր ունեն, և ոչ միշտ է հաջողվում ճիշտ հաղորդակցվել ու բարեկամական երկրի հասարակությանը ճիշտ փոխանցել սեփական դիրքորոշումը։ Սա կարևոր հարթակ է, որտեղ կարող է հարցերի և խնդիրների լայն շրջանակ քննարկվել»,– ասաց Շվիդկոյը։
Նրա խոսքով` այս հարթակի քաղաքականացումը ցանկալի չէ, և միաժամանակ ընդգծեց, որ նույնիսկ երկրի քաղաքական օրակարգում չկա որևէ բան, որը չի կարող քննարկման առարկա դառնալ։
Խզմալյանն իր հերթին հիշեցրեց հայ–ռուսական մշակութային լայն օրակարգի մասին։ 2022 թվականին Ռուսաստանի տարբեր քաղաքներում հայկական մշակույթի օրեր անցկացվեցին, իսկ Հայաստանում` Ռուսաստանի հոգևոր մշակույթի օրեր։ Բացի այդ, եղան նաև տարբեր երաժշտական համույթների և թատերախմբերի փոխադարձ այցեր, ինչը մատնանշեց երկխոսության նոր հարթակ ստեղծելու անհրաժեշտությունը։
«Հարթակի ստեղծման գաղափարի հեղինակը ռուսական կողմն է, և մենք հաճույքով համաձայնեցինք։ Մեր շուրջ տեղի ունեցող իրադարձություններն ու միջազգային հարաբերություններում տեղի ունեցող արմատական փոփոխությունները խթանում են բոլոր հնարավոր հարթակների օգտագործումը, որտեղ հնարավոր է հնչեցնել մեզ հետաքրքրող և հուզող հարցերը», – նշեց նա։
Փոխնախարարի խոսքով` հայկական կողմն ուզում է և պատրաստ է ռուսաստանցի գործընկերների հետ քննարկել մի շարք հարցեր։ Հայ մտավորականության ներկայացուցիչները պատրաստ են մատնանշել 2023 թվականի մշակութային շփման եզրերը, ինչպես նաև տարբեր ոլորտներում փոխգործակցության հնարավորությունը։
«Ռուսաստանը պրոֆեսիոնալ մեծ ներուժ ունի, հատկապես մշակույթի ոլորտում, որը պատրաստ ենք ընդօրինակել։ Գաղտնիք չէ, որ մշակութային բազմաթիվ ոլորտներ Հայաստանում զարգացել են ռուսական ազդեցության ներքո, և այդ ավանդույթները կարող են շարունակվել», – եզրահանգել է փոխնախարարը։
Նշենք, որ ռուսական կողմից երկխոսության հարթակի հիմնման արարողությանը մասնակցում էին «Մեծ թատրոնի» գլխավոր տնօրեն Վլադիմիր Ուրինը, մանկաբույժ և ՌԳԱ ակադեմիկոս Ալեքսանդր Ռումյանցևը, ՄՊՀ–ի տիեզերական հետազոտությունների ֆակուլտետի դեկան Վասիլի Սազոնովը, Դալի անվան Ռուսաստանի գրականության պատմության պետական թանգարանի տնօրեն Դմիտրի Բակը, «Կոմերսանտ» հրատարակչական տան ռազմավարության գծով տնօրեն Վիկտոր Լոշակը։ Հայկական կողմից մասնակցում էին ԳԱԱ նախագահ Աշոտ Սաղյանը, Տիկնիկային թատրոնի գեղարվեստական ղեկավար Ռուբեն Բաբայանը, Երևանի պետական բժշկական համալսարանի ռեկտոր Արմեն Մուրադյանը, Ստանիսլավսկու անվան ռուսական դրամատիկական թատրոնի տնօրեն Մարիաննա Մխիթարյանը և «Սարեր» ՀԿ–ի նախագահ Էռնա Ռևազովան, Երևանի կոնսերվատորիայի պրոֆեսոր Իրինա Զոլոտովան։
Sputnik Արմենիա
ПОСЛЕДНИЕ ОТ АВТОРА
-
2025-06-17 13:01
Интересная ситуация складывается вокруг столичных префектов. Не успели улечься страсти в отношении префекта Нор-Норка Тиграна Тер-Маргаряна, который 30 апреля лично поучаствовал в безобразной расправе над оппозиционным активистом Артуром Чахояном, за что не только поплатился должностью, но и оказался фигурантом уголовного дела, как возникла не менее безобразная ситуация с теперь уже экс-главой Шангавита Размином Мкртчяном. 15 июня стало известно об аресте последнего. История, кстати, опять-таки связана с избиением, только на сей раз не оппозиционного блогера, а сотрудника руководимого им муниципалитета.
-
2025-06-17 12:27
Последнее заявление президента США Дональда Трампа, по всей видимости является первым официальным сигналом к возможному расширению боевых действий между Ираном и Израилем. Об этом на своей страничке в социальной сети Facebook пишет экс-замминистра обороны Армении Артак Закарян. Он процитировал заявление Дональда Трампа.
-
2025-06-17 11:17
Скандальный законопроект об "откупе" от армейской службы не включили в повестку очередной сессии парламента Армении.
-
2025-06-17 11:11
Центральный совет Ай Дата распространил следующее заявление: