Կառուցապատողի կողմից խաբված քաղաքացիները ակցիա են անում կառավարության շենքի մոտ
ՀՀ կառավարության շենքի մոտ հավաքվել են Դավթաշեն վարչական շրջանի Տիգրան Պետրոսյան փողոցում գտնվող «Ասիամեգաստրոյ» ՍՊԸ–ի կողմից կառուցվող շենքում բնակարաններ գնած, սակայն խաբված քաղաքացիները։ Նրանք պահանջում են, որ համապատասխան գերատեսչությունները նիստ անցկացնել և իրենց խնդրին լուծում տալ։
Այդ շենքում բնակարան գնած Կորյուն Մխիթարյանը Sputnik Արմենիայի հետ զրույցում նշեց, որ շենքի սեփականատերը Էռնեստ Ղազարյանն է, իսկ կառուցապատողները 2 հոգի են` Ռադիկ Գևորգյանն ու Գեղամ Ասրյանը։
Կորյուն Մխիթարյանի խոսքով` ներկա պահին ՀՀ քննչական կոմիտեում քրեական գործ կա, ըստ որի` շենքի սեփականատերն անցնում է որպես տուժող, իսկ կառուցապատողները խաբեբաներ են, հիմնական խարդախն էլ Ասրյանն է։
«Ներկա պահին քրեական գործ է հարուցված։ Մենք գումարները տվել ենք, հետո ընկերությունը սնանկացել է, մենք էլ, ըստ օրենքի, Սնանկության դատարան ենք դիմել, ապա առաջին ատյանի ու վերաքննիչ դատարաններ։ Օրենքը մեր կողմն է, ուղղակի կալանք է դրված, այդ պատճառով հնարավոր չէ շենքի կառուցումը շարունակել։ Այժմ այդ շենքից -2 հարկ է կառուցվել։ Այժմ կա կառուցապատող, որը պատրաստ է շենքն ամբողջությամբ կառուցել և հանձնել բնակիչներին, բայց կալանքի պատճառով դա հնարավոր չէ անել»,– ասաց գնորդը։
Նախկինում էլ շենքի բնակիչները եղել են ՔԿ–ում, կառավարությունում, սակայն մինչ օրս իրենց խնդիրը լուծում չի ստացել։
Ընդհանուր առմամբ շենքը պետք է լինի 18–հարկանի, 104 բնակարանով։
Մխիթարյանը շեշտեց, որ սեփականատիրոջը վճարվել է 1 մլրդ 80 հազար դրամ։
Որոշ ժամանակ բնակիչները կանգնած էին կառավարության շենքի դիմաց, ինչից հետո Կորյուն Մխիթարյանը մտավ ներս, որտեղ նրան հայտնեցին, որ երկուշաբթի նիստ կգումարվի, փոխվարչապետի հետ կքննարկեն հարցը ու կտեղեկացնեն` արդյոք հնարավոր է այլ քննարկում կազմակերպել բնակիչների, կառավարության, ՔԿ–ի և դատախազության միջև։
Կորյուն Մխիթարյանը վստահեցրեց` իրենք շարունակելու են պայքարը։
ПОСЛЕДНИЕ ОТ АВТОРА
-
2025-06-13 16:21
Ливанское движение «Хезболла» назвало удары Израиля по Ирану «опасной эскалацией» и «нарушением Израилем всех мер контроля и правил при полном американском прикрытии и спонсорстве».
-
2025-06-13 16:19
Законопроект, предусматривающий возможность сокращения срока военной службы за денежную плату, удостоился отрицательного заключения постоянной комиссии НС Армении по вопросам обороны и безопасности.
-
2025-06-13 16:17
Президент Ирана Масуд Пезешкиан в ходе обращения к нации подчеркнул, что законный и мощный ответ Исламской Республики Иран «заставит врага пожалеть о его глупых действиях», передает Tasnim.
-
2025-06-13 16:14
Армения не ставит перед собой задачу разрыва отношений с Россией и не намерена прекращать присутствие российских войск в стране․ Об этом заявил премьер-министр Армении Никол Пашинян