2022-12-09 11:32
Информагентства
Որտեղ է պատրաստվում ներդնումներ անել ԵԱԶԲ-ն
ԵԱԶԲ-ն դիտարկում է Երևանի մետրոյում, «Վերին Լարսի» ընդլայնման և Հայաստանի հանքարդյունաբերության ոլորտում ներդրումների նախագծերը։ Տեղեկությունը հայտնել է Եվրասիական զարգացման բանկի (ԵԱԶԲ) վարչության նախագահի տեղակալ Դենիս Իլյինը բանկի 2023 թվականի նախագծերի ներկայացման ժամանակ:
«Մենք ակտիվորեն շփվում ենք Զանգեզուրի պղնձամոլիբդենային կոմբինատի հետ, այն մեր վաղեմի գործընկերն է։ Այժմ դիտարկում ենք հետագա ֆինանսա-ներդրումային ծրագրերի հարցումը։ Դիտարկում ենք ոսկու արդյունահանման նախագծերը, որոնք կարող են լուրջ ազդեցություն ունենալ երկրի տնտեսության վրա, մասնավորապես՝ Ամուլսարի նախագիծը», - ասել է Իլյինը։
Նախագծերի մի ամբողջ շարք, ըստ նրա, դիտարկվում է «Տաշիր» խմբի հետ (արդյունաբերական կոոպերացիա, «Հայաստանի Էլցանցերի» էներգաարդյունավետության բարձրացում)։
Առանձին դիտարկվում է մասնակցությունը Երևանի մետրոյի նախագծին՝ հաշվի առնելով տրանսպորտային ենթակառուցվածքների խնդիրը։
«Մտածում ենք՝ ինչպես կարելի է ընդլայնել «Վերին Լարս» անցակետը։ Այս խնդրի լուծումը ռազմավարական նշանակություն ունի Հայաստանի համար։ Մենք կարող ենք մասնակցել նախնական նախագծային աշխատանքներին, փորձել մասնավոր ներդրողների ներգրավել՝ լավ պայմաններ տրամադրելով», - ասել է Իլյինը։
Ավելի վաղ Իլյինը, պատասխանելով Sputnik Արմենիայի հարցին, ասել էր, որ բանկը պատրաստվում է Հայաստանում տարեկան մոտ $100 մլն ներդնել:
2022 թվականին ուժի մեջ է մտել ԵԱԶԲ նոր հնգամյա ռազմավարությունը, որի համաձայն` բանկը կամրապնդի իր յուրահատուկ ինտեգրացիոն դերը ԵԱՏՄ տարածքում։ Ծրագրերը ներառում են առնվազն 3 հիմնական ինտեգրացիոն մեգանախագծեր։ Կկազմակերպվեն և կմեկնարկեն նախագծեր տրանսպորտային ենթակառուցվածքների և լոգիստիկայի, պարենային անվտանգության, ջրային տնտեսության և էներգետիկայի ոլորտներում՝ Եվրասիական տրանսպորտային միջանցք, Եվրասիական ապրանքաբաշխիչ ցանց, Կենտրոնական Ասիայի ջրային-էներգետիկ համալիր:
Եվրասիական զարգացման բանկը (ԵԱԶԲ) միջազգային ֆինանսական կազմակերպություն է, որը ներդրումային գործունեություն է իրականացնում եվրասիական տարածքում։ ԵԱԶԲ-ն նպաստում է մասնակից երկրների՝ Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի տնտեսական կապերի ամրապնդմանն ու ընդլայնմանը, դրանց համակողմանի զարգացմանը։
Sputnik Արմենիա
ПОСЛЕДНИЕ ОТ АВТОРА
-
New2025-04-21 18:37Мы ведем скоординированную политику на Кавказе. Об этом заявил министр иностранных дел Ирана Аббас Аракчи, передает ИРНА.
-
New2025-04-21 18:36С кончины папы Римского Франциска в Ватикане начался период вакантного престола (sede vacante). На это время местоблюстителем Апостольского престола фактически становится кардинал-камерленго. Сейчас им является префект Дикастерии по делам мирян, семьи и жизни, американский кардинал Кевин Фаррелл, сообщает РИА Новости.
-
New2025-04-21 18:3232% считают присутствие премьер-министра Армении Никола Пашиняна на Параде по случаю 80-летия Победы в Москве оскорблением, еще 22% назвали это «неприятностью». Таковы мнения читателей нашего агентства, принявших участие в очередном опросе.
-
New2025-04-21 17:09США могут попросить Турцию не препятствовать использованию воздушного пространства Сирии в случае конфликта с Ираном и сохранить нейтралитет, сообщила газета Hürriyet со ссылкой на источники.