2022-12-09 17:09
Информагентства
Մամիջանյան․ Կոռուպցիայի մակարդակի մասին վկայում են պաշտոնյաների հայտարարագրերը
Հայաստանում կոռուպցիայի մակարդակը հասկանալու համար պարզապես պետք է բացել իշխող կուսակցության պատգամավորների ու բարձրաստիճան պաշտոնյաների հայտարարագրերը նրանց պաշտոնը ստանձնելու ժամանակ և այժմ։ Դեկտեմբերի 9-ին լրագրողների հետ զրույցում այս մասին ասաց ԱԺ ընդդիմադիր պատգամավոր, ՀՀԿ-ական Հայկ Մամիջանյանը։
Նա հիշեցրեց, որ պատգամավորները մեծ գումարներ, տներ, Երևանի կենտրոնում բնակարաններ են հայտարարագրում։
«Եթե չեմ սխալվում պատգամավորներից մեկը և վարչապետի կնոջ՝ Աննա Հակոբյանի ազգականը մի քանի տարում 150 հազար դոլար է կուտակել։ Տաքսի վարելու մեջ ոչ մի վատ բան չկա, ես ինքս նույնն արել եմ ԱՄՆ-ում սովորելու տարիներին, բայց նույնիսկ այնտեղ այդքան գումար չեմ կարողացել հավաքել։ Եթե չեմ սխալվում նա Աննա Հակոբյանի ընկերն է», – նշեց Մամիջանյանը։
Ընդդիմադիրը նշեց նաև պետական գնումների դեպքում մրցույթների բացակայության մասին։
Նա խոստովանեց, որ ՀՀԿ-ի իշխանության օրոք երկրում կոռուպցիա եղել է՝ վստահեցնելով, որ այդ երևույթի դեմ ինստիտուցիոնալ պայքար էր տարվում ։
Խորհրդարանականը համոզմունք հայտնեց, որ ներկայիս իշխանությունները շատ ավելի կոռումպացված են, քան նախորդները. «Ներկայիս իշխող ռեժիմը, ժողովրդին խաբելով երկրում համատարած կոռուպցիայի մասին թեզերով, եկավ իշխանության և ոչինչ չի ապացուցում։ Երկրորդ անգամ նրանք խաբեցին 2021-ին գերիների վերադարձի հարցում՝ քվեարկողների ձայների դիմաց կեղծ խաղաղության օրակարգ վաճառելով»,- եզրափակեց ընդդիմադիր պատգամավորը։
News.am
ПОСЛЕДНИЕ ОТ АВТОРА
-
2025-06-04 19:37Евросоюз внес в санкционный список азербайджанский танкер «Zangazur», который, по информации европейских чиновников, относится к «теневому флоту» России.
-
2025-06-04 19:35С июля посольство Германии в Ереване будет принимать заявки на шенгенскую визу не напрямую, а через систему TLScontact. Об этом сообщила пресс-служба диппредставительства.
-
2025-06-04 19:34Армения и Азербайджан договорились о совместных поисках без вести пропавших. Об этом директор Службы национальной безопасности Армении Армен Абазян заявил журналистам.
-
2025-06-04 19:32Украина несет огромные потери и отступает по всей линии фронта, поэтому пытается запугать Россию терактами, заявил президент Владимир Путин.